Blaðamenn DV vildu mæta Þóreyju í dómsal en eigendur vildu semja

15003216120-c28ef99ddf-z.jpg
Auglýsing

Blaða­menn­irnir Jóhann Páll Jóhanns­son og Jón Bjarki Magn­ús­son, sem starfa báðir á DV og hafa skrifað mikið um leka­málið svo­kall­aða, segja að þeir hafi „lýst yfir ein­lægum vilja" til að mæta Þóreyju Vil­hjálms­dótt­ur, fyrrum aðstoð­ar­manni inn­an­rík­is­ráð­herra, í dóm­sal þrátt fyrir að dómsátt hafi náðst í mál­inu. Þórey stefndi þeim fyrir meið­yrði eftir að hún var rang­lega sögð vera sá starfs­maður sem lekið hefði gögnum um hæl­is­leit­and­ann Tony Omos til fjöl­miðla á for­síðu  DV í sum­ar. Þórey krafð­ist hámarks­refs­ing­ar, sem í fólst fang­els­is­vist, og fébóta.

Til­kynnt var um sátt í mál­inu fyrr í dag þar sem þeir greiða Þóreyju 330 þús­und krónur í miska­bæt­ur.

Þórey Vilhjálmsdóttir. Þórey Vil­hjálms­dótt­ir.

Auglýsing

Þeir Jóhann Páll og Jón Bjarki segja hins vegar að eig­endur DV hafi viljað leita sátta og þeir uni því. Í yfir­lýs­ingu sem þeir sendu frá sér segir að þeir kæri sig ekki „um að sitja uppi með háa reikn­inga, hvað þá að betla fé af vinum og vanda­mönnum til að geta greitt þá. Við erum ekki á þing­far­ar­kaupi en vinnum við að flytja frétt­ir, meðal ann­ars um það sem ráð­herrar og aðstoð­ar­menn þeirra vilja að leynt fari.

Á heilu ári virð­ist það aldrei hafa hvarflað að stuðn­ings­mönnum inn­an­rík­is­ráð­herra að skamm­ast sín. Við skömm­umst okkar fyrir þau mis­tök sem við gerðum í sum­ar. En á heild­ina litið erum við stoltir af okkar hlut í að fletta ofan af vald­níðslu og mann­rétt­inda­brot­um. Með dóms­sátt þess­ari kaupum við okkur frið til að skrifa áfram um hver þau öfl sem ljúga að almenn­ingi og níð­ast á umkomu­lausu fólki“.

Miklar svipt­ingar hafa verið í eig­enda­hópi DV und­an­farin miss­eri. Reynir Trausta­son, fyrrum rit­stjóri mið­ils­ins, missti yfir­ráð yfir honum í haust og var rek­inn úr starfi í kjöl­far­ið. Nýlega var til­kynnt að Björn Ingi Hrafns­son, aðal­eig­andi fjöl­miðla­fyr­ir­tæk­is­ins Vef­pressunn­ar, hefði keypt 70 pró­sent hlut í DV og að hann muni verða útgef­andi mið­ils­ins ef Sam­keppn­is­eft­ir­litið blessar kaup­in.

Þórey hefur látið af störfum sem aðstoð­ar­maður inn­an­rík­is­ráð­herra en Hanna Birna Krist­jáns­dóttir sagði af sér því ráð­herra­emb­ætti í síð­asta mán­uði í kjöl­far þess að hinn aðstoð­ar­maður henn­ar, Gísli Freyr Val­dórs­son, ját­aði að hafa lekið gögn­unum og var í kjöl­farið dæmdur í átta mán­aða skil­orðs­bundið fang­elsi.

Yfir­lýs­ingu Jóhanns Páls og Jóns Bjarka má lesa í heild sinni hér að neð­an.

Yfir­lýs­ing vegna dóms­sáttar



5. des­em­ber 2014

Dómsátt hefur náðst í máli Þór­eyjar Vil­hjálms­dóttur gegn okk­ur, en máls­höfð­unin varð­aði frétt sem birt­ist í DV þann 20. júní síð­ast­lið­inn. Þar var því rang­lega haldið fram að Þórey væri sá aðili sem kall­aður var starfs­maður B í grein­ar­gerð lög­regl­unnar á höf­uð­borg­ar­svæð­inu. Fréttin var leið­rétt sam­dæg­urs, yfir­lýs­ing send á alla fjöl­miðla og Þórey beðin afsök­un­ar. Í kjöl­farið höfð­aði hún mál, ekki gegn DV ehf. heldur gegn okkur per­sónu­lega, og krafð­ist hámarks refs­ing­ar, þ.e. að við yrðum vistaðir í fang­elsi vegna mis­taka okk­ar. Nokkru síðar var Gísli Freyr Val­dórs­son, nán­asti sam­starfs­maður Þór­eyj­ar, dæmdur í skil­orðs­bundið fang­elsi fyrir lög­brot gegn hæl­is­leit­end­unum Tony Omos og Evelyn Glory Jos­eph.

Í heilt ár höfum við skrifað um mál­efni inn­an­rík­is­ráðu­neyt­is­ins, vald­níðslu og lög­brot sem framin voru gegn land­lausu fólki. Hanna Birna Krist­jáns­dóttir sagði af sér ráð­herra­emb­ætti vegna máls­ins en Þórey starf­aði sem póli­tískur aðstoð­ar­maður henn­ar. Strax í upp­hafi leka­máls­ins tók hún sér stöðu með ráð­herra gegn almenn­ingi líkt og aðrir í yfir­stjórn inn­an­rík­is­ráðu­neyt­is­ins. Hún sendi DV mis­vísandi upp­lýs­ingar í tölvu­pósti, hún hélt því fram að engum trún­að­ar­upp­lýs­ingum hefði verið lekið úr inn­an­rík­is­ráðu­neyt­inu þótt hið gagn­stæða lægi í augum uppi og lét að því liggja í útvarps­við­tali að við létum stjórn­ast af ann­ar­legum hvötum fremur en ein­lægum vilja til að leiða sann­leik­ann í ljós. Ráð­herr­ann sjálfur fylgdi þessu eftir með því að hringja í rit­stjóra DV og fara fram á að við yrðum rekn­ir.

Sú frétt sem birt­ist í DV þann 20. júní átti sér langan aðdrag­anda og byggði á mán­aða­langri heim­ilda­vinnu þar sem rætt var við starfs­menn inn­an­rík­is­ráðu­neyt­is­ins, Morg­un­blaðs­ins, 365-miðla og lög­regl­unn­ar. Þórey vildi ekki ræða við DV í síma við vinnslu frétt­ar­innar jafn­vel þótt hún gegndi þá hlut­verki upp­lýs­inga­full­trúa ráðu­neyt­is­ins í fjar­veru Jóhann­esar Tóm­as­son­ar. Henni var hins vegar gert ljóst hvert efni frétt­ar­innar var og boðið að koma athuga­semdum á fram­færi sem hún kaus að gera ekki.

Máls­sókn Þór­eyjar hefur verið gagn­rýnd harð­lega meðal ann­ars af Frétta­mönnum án landamæra, Alþjóða­sam­tökum blaða­manna, International Modern Media Institute og Blaða­manna­fé­lagi Íslands. Þessi sam­tök hafa deilt á íslenska meið­yrða­lög­gjöf, meðal ann­ars þær laga­greinar sem máls­höfðun Þór­eyjar og refsikrafa hennar byggði á. Mál hennar vakti athygli utan land­steina, enda var hún aðstoð­ar­kona inn­an­rík­is­ráð­herra, þess ráð­herra sem fór með mann­rétt­inda­mál á Íslandi.

Það er áhyggju­efni fyrir blaða­menn á Íslandi að geta átt von á því að ráð­herrar og póli­tískir aðstoð­ar­menn vegi að starfs­ör­yggi þeirra með þeim hætti sem birst hefur í leka­mál­inu.

Við höfum lýst yfir ein­lægum vilja til að mæta Þóreyju Vil­hjálms­dóttur í dóms­sal. Eig­endur DV ehf. vildu hins vegar leita sátta og unum við því. Við kærum okkur ekki um að sitja uppi með háa reikn­inga, hvað þá að betla fé af vinum og vanda­mönnum til að geta greitt þá. Við erum ekki á þing­far­ar­kaupi en vinnum við að flytja frétt­ir, meðal ann­ars um það sem ráð­herrar og aðstoð­ar­menn þeirra vilja að leynt fari.

Á heilu ári virð­ist það aldrei hafa hvarflað að stuðn­ings­mönnum inn­an­rík­is­ráð­herra að skamm­ast sín. Við skömm­umst okkar fyrir þau mis­tök sem við gerðum í sum­ar. En á heild­ina litið erum við stoltir af okkar hlut í að fletta ofan af vald­níðslu og mann­rétt­inda­brot­um. Með dóms­sátt þess­ari kaupum við okkur frið til að skrifa áfram um hver þau öfl sem ljúga að almenn­ingi og níð­ast á umkomu­lausu fólki.

Virð­ing­ar­fyllst,

Jóhann Páll Jóhanns­son

Jón Bjarki Magn­ús­son

blaða­menn

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Icelandair búið að ná samkomulagi við Boeing, og alla hina kröfuhafana
Icelandair Group er búið að ná samkomulagi við alla kröfuhafa sína. Félagið fær að falla frá kaupum á fjórum Boeing vélum sem það hafði skuldbundið sig til að kaupa.
Kjarninn 11. ágúst 2020
Biden velur Harris sem varaforsetaefni
Demókrataflokkurinn hefur valið varaforsetaefni sitt fyrir komandi forsetakosningar. Hún er svört kona sem er líka af asísku bergi brotin og heitir Kamala Harris.
Kjarninn 11. ágúst 2020
Þórður Snær Júlíusson
Stríðsrekstur fyrirtækis gegn nafngreindu fólki og gagnrýnum fjölmiðlum
Kjarninn 11. ágúst 2020
Höfuðstöðvar Ríkisútvarpsins í Efstaleiti.
Félag fréttamanna gagnrýnir myndband Samherja harðlega
Stjórn Félags fréttamanna, stéttarfélag fréttafólks á Ríkisútvarpinu, segir ómaklega veist að Helga Seljan fréttamanni í myndbandi sem Samherji birti í dag. Áhyggjuefni sé að reynt sé að gera fréttamann tortryggilegan í stað þess að svara spurningum.
Kjarninn 11. ágúst 2020
Víðir Reynisson á upplýsingafundi almannavarna í dag.
Víðir: Getum ekki sest í hægindastólinn og slakað á
Þrátt fyrir að útlit sé fyrir að árangur sé að nást af hertum sóttvarnaaðgerðum innanlands og tilslakanir séu framundan er ekki kominn til að hætta að huga að smitvörnum. Sá tími kemur ekki á meðan að veiran er til staðar, segir Víðir Reynisson.
Kjarninn 11. ágúst 2020
Þórólfur Guðnason sóttvarnalæknir á fundinum í dag.
Þórólfur segir útlit fyrir að við séum að ná tökum á stöðunni
Sóttvarnalæknir segir að lítill fjöldi nýsmita allra síðustu daga bendi til þess að faraldurinn hér innanlands sé að verða viðráðanlegur. Hann lagði til tilslakanir innanlands og reifaði valkosti um aðgerðir á landamærum í minnisblaði til ráðherra.
Kjarninn 11. ágúst 2020
Helgi Seljan var borin þungum sökum í myndbandi Samherja
RÚV og Helgi Seljan hafna ásökunum Samherja
„Ný viðmið í árásum stórfyrirtækis á fjölmiðla og einstaka fréttamenn,“ segir í yfirlýsingu frá Helga Seljan og Þóru Arnórsdóttur sem þau sendu frá sér vegna myndbands Samherja. Myndbandið var birt á YouTube rás Samherja fyrr í dag.
Kjarninn 11. ágúst 2020
Logi Einarsson
Vöndum okkur
Kjarninn 11. ágúst 2020
Meira úr sama flokkiInnlent
None