Reykja­vík­ur­borg mun leita réttar síns fyrir dóm­stólum og krefj­ast skaða­bóta fyrir eigna­upp­töku ef frum­varp Hösk­uldar Þór­halls­sonar og ann­arra þing­manna Fram­sókn­ar­flokks­ins um að flytja skipu­lags­vald flug­vall­ar­ins í Vatns­mýri frá borg­inni til rík­is­ins verður að lög­um. „Ljóst er að afleitt tjón vegna sam­þykktar frum­varps­ins getur varðað tugum eða hund­ruðum millj­arða króna.“

Þetta kemur fram í umsögn borg­ar­innar um frum­varp­ið, en eins og Kjarn­inn greindi frá í morgun var frum­varpið afgreitt úr umhverf­is- og skipu­lags­nefnd í morg­un.

Borgin er mjög harð­orð í garð frum­varps­ins, segir það fela í sér frek­legt inn­grip í skipu­lags­vald sveit­ar­fé­laga og það sé for­dæma­laust.

„Það er álit Reykja­vík­ur­borgar að það sé laga­lega ill­fært og jafn­vel ómögu­legt að setja almenn lög, sem ganga m.a. gegn stjórn­ar­skrá lýð­veld­is­ins, til að ríkið nái yfir­ráðum yfir flug­vall­ar­svæð­inu. Má nefna að Reykja­vík­ur­borg á um 60% þess lands sem er undir flug­vell­inum í Vatns­mýri og að upp­fylltum almennum skil­yrðum í íslenskum skaða­bóta­rétti blasir við að íslenska ríkið muni valda sveit­ar­fé­lag­inu tjóni með hátt­semi sinni við laga­setn­ing­una, í frum­varp­inu felst því ekk­ert annað en eigna­upp­taka lands,“ segir í umsögn­inn­i. Þá vísar borgin til meg­in­reglu um bóta­skyldu, þar sem fram kemur að sá sem sýnt getur fram á að hann verði fyrir tjóni vegna rýrn­unar á verð­mæti og skertum nýt­ing­ar­mögu­leikum af þessum sökum eigi rétt á bót­um. Tjónið verði sem fyrr segir tugir, eða hund­ruð millj­arða.

„Reykja­vík­ur­borg vill enn fremur und­ir­strika að stefna borg­ar­innar um byggð í Vatns­mýri hefur nú legið fyrir í yfir 10 ár. Má ljóst vera að með frum­varp­inu er ríkið að koma sér hjá því að upp­fylla samn­ings­skuld­bind­ingar sínar varð­andi fram­tíð flug­vall­ar­ins. Reykja­vík­ur­borg telur frum­varpið for­dæma­laust inn­grip í sjálf­stjórn­ar­rétt sveit­ar­fé­lags­ins og skipu­lags­vald.“