Breskur ráðherra þrýsti á íslenska ráðherra að hraða Icesave-greiðslum

icesavenota-1.png
Auglýsing

Andrea Leadsom, und­ir­ráð­herra fyrir efna­hags­mál í breska fjár­mála­ráðu­neyt­inu, seg­ist hafa þrýst á íslenska ráð­herra að hraða end­ur­greiðslu á fé breskra skatt­greið­enda sem þeir áttu inni hjá þrota­búi gamla Lands­bank­ans. Hún stað­festi í gær að bresk stjórn­völd hefðu fengið rúm­lega 257 millj­arða króna greidda úr þrota­bú­inu, en krafa þeirra er til­komin vegna greiðslu þeirra á inn­stæðu­trygg­ingu til þeirra Breta sem áttu fé á Ices­a­ve-­reikn­ingum Lands­bank­ans fyrir hrun.

Þrotabú gamla Lands­bank­ans fékk und­an­þágu frá Seðla­banka Íslands í byrjun des­em­ber til að greiða út um 400 millj­arða króna for­gangs­kröfur út úr búinu. Þær greiðslur voru fram­kvæmdar í vik­unni og þorri þeirra rann til breska rík­is­ins. Það hefur nú fengið um 85 pró­sent af kröfum sínum í þrotabú Lands­bank­ans greidd­ar. Búið telur sig eiga um 218 millj­arða króna umfram for­gangs­kröfur og því ljóst að allar Ices­a­ve-­kröfur í bú þess ættu að greið­ast.

Þrýsti á ráð­herra að hraða end­ur­greiðslum



Greint er frá end­ur­greiðsl­unni á vef breska fjár­mála­ráðu­neyt­is­ins. Þar er haft eftir Leadsom að hún hafi „þrýst á ráð­herra á Íslandi að hraða end­ur­greiðslum á fé í eigu breskra skatt­greið­enda. Þess vegna er það mjög ánægju­legt að við höfum tekið við frekari, og umtals­verðri, greiðslu frá þrota­búi Lands­bank­ans, sem starf­rækti Ices­ave í Bret­landi. Þessi greiðsla þýðir að við höfum nú fengið 85 pró­sent af heild­ar­kröfum okkar vegna falls Ices­a­ve“.

Andrea Leadsom. Andrea Leadsom.

Auglýsing

Leadsom sagði enn­frem­ur: „Fall íslenskra banka kost­aði skatt­greið­endur millj­arða punda, án þess að nokkur vissa væri fyrir því að fá þá pen­inga til baka. Við erum áfram ákveðin í að ná allri þeirri útistand­andi upp­hæð sem er í eigu breskra skatt­greið­enda  til baka frá þrota­búi Lands­bank­ans, og munum halda áfram að vinna að því að láta það verða að veru­leika sem allra fyrst.“

Hol­lend­ingar seldu kröfu til vog­un­ar­sjóða



Ices­a­ve-­reikn­ingar Lands­bank­ans voru líka starf­ræktir í Hollandi og því var hol­lenski seðla­bank­inn líka stór kröfu­hafi í þrotabú Lands­bank­ans, enda greiddi hann líka út inn­stæðu­trygg­ingu til hol­lenskra við­skipta­vina Ices­a­ve. Hol­lenski Seðla­bank­inn til­kynnti hins vegar í ágúst að hann hefði selt eft­ir­stöðvar kröfu sinnar áfram til þýska bankaris­ans Deutsche Bank.

Kjarn­inn greindi svo frá því að Deutche Bank hefði selt kröf­una áfram, aðal­lega til hóps vog­un­ar­sjóða sem eiga mikið af kröfum á fallna íslenska banka. Á meðal þeirra er Burlington Loan Mana­gement, stærsti ein­staki kröfu­hafi Ísland. Sjóð­ur­inn er í stýr­ingu Dav­id­son Kempner, eins stærsta vog­un­ar­sjóðs í heimi.

 

Arion banki gaf ekki út lánsloforð vegna Primera Air
Arion banki hefur sent frá sér yfirlýsingu þar gerðar eru athugasemdir við rangfærslur Andra Már Ingólfssonar. Arion banki segir að þrátt fyrir að bankinn hafi átt í viðræðum við Primera Air þá hafi bankinn ekki gefið fyrirheit um lánveitingu.
Kjarninn 13. desember 2018
Kolbeinn Óttarsson Proppé
Eignarhald ríkisins skapar tækifæri
Kjarninn 13. desember 2018
Tæknivarpið
Tæknivarpið
Tæknivarpið – Vill enginn ódýrari iPhone?
Kjarninn 13. desember 2018
Bréf Icelandair rjúka upp eftir fréttir af samdrætti hjá WOW
WOW air dregur verulega saman rekstur sinn. Afleiðing þess er sú að hlutabréfaverð í stærsta samkeppnisaðila fyrirtækisins hefur hækkað verulega.
Kjarninn 13. desember 2018
Fjöldauppsagnir hjá WOW og flugvélum fækkað
Mörg hundruð manns verður sagt upp í dag hjá WOW air og mun félagið selja fjórar vélar.
Kjarninn 13. desember 2018
Sólveig Anna Jónsdóttir
Hver er krafa vinnuaflsins?
Kjarninn 13. desember 2018
Primera air
Travelco tapaði fimm milljörðum á falli Primera air
Andri Már Ingólfsson segir tap Travelco nema fimm milljörðum vegna gjaldþrots Primera air. Andri Már segir að Primera Air væri enn í rekstri hefði Arion banki verið reiðubúinn til að veita félaginu brúarfjármögnun líkt og staðið hafði til.
Kjarninn 13. desember 2018
Vantrausttillaga gegn May felld í breska þinginu
Skömmu fyrir kosninguna lýsti hún því yfir að hún myndi hætta sem forsætisráðherra í lok kjörtímabilsins.
Kjarninn 12. desember 2018
Meira úr sama flokkiInnlent
None