Átta hafa sótt um stöðu rík­is­sátt­ar­semj­ara, en frestur til að sækja um stöð­una rann út í vik­unni. Magnús Pét­urs­son, núver­andi rík­is­sátt­ar­semj­ari, lætur af störfum í lok maí og nýr tekur við kefl­inu dag­inn eft­ir, 1. júní. Sá sem fær starfið fær það erf­iða verk­efni að höggva á nán­ast for­dæma­lausan hnút sem er til staðar í kjara­deilum aðila vinnu­mark­að­ar­ins, ef ekki hefur tek­ist að semja fyrir þann tíma. Þekktasta nafnið á lista yfir umsækj­endur er Bryn­dís Hlöðvers­dótt­ir, fyrrum alþing­is­maður Sam­fylk­ing­ar­inn­ar, fyrrum rektor Bif­rast­ar­há­skóla og núver­andi starfs­manna­stjóri Lands­spít­al­ans.

Þeir átta sem sóttu um starfið eru:

• Bryn­dís Hlöðvers­dóttir



• Dagný Rut Har­alds­dóttir



• Erna Ein­ars­dóttir



• Guð­jón Helgi Egils­son



• Guð­mundur Hall­dórs­son



• Kol­brún Ásta Bjarna­dóttir



• Þor­steinn Þor­steins­son



• Þórólfur Geir Matth­í­as­son

Eygló Harð­ar­dótt­ir, félags- og hús­næð­is­mála­ráð­herra hefur skipað þriggja manna nefnd til að meta hæfni umsækj­enda. Skipað verður í emb­ættið frá 1. júní 2015 til næstu fimm ára. Í þeirri nefnd sitja:

• Hanna Sig­ríður Gunn­steins­dótt­ir, lög­fræð­ingur



• Magnús M. Norð­da­hl, lög­fræð­ingur



• Hrafn­hildur Stef­áns­dótt­ir, lög­fræð­ingur

Böðvar Héð­ins­son, stað­geng­ill skrif­stofu­stjóra í vel­ferð­ar­ráðu­neyt­inu, starfar með nefnd­inni.