Leikja­fram­leið­and­inn CCP, sem nú er til húsa við Granda­garð í Reykja­vík, flytur í nýbygg­ingu sem mun rísa á svæði Vís­inda­garða Háskóla Íslands í Vatns­mýr­inni. Í bygg­ing­unni verður auk þess aðstaða fyrir fleiri nýsköp­un­ar­fyr­ir­tæki. Samn­ingar um flutn­ing á starf­semi CCP verða und­ir­rit­aðir í Öskju, nátt­úru­fræða­húsi HÍ, í dag. Undir samn­ing­inn rita Hilmar Veigar Pét­urs­son, fram­kvæmda­stjóri CCP, Kristín Ing­ólfs­dótt­ir, rektor HÍ, og Hilmar Bragi Jan­us­son, stjórn­ar­for­maður Vís­inda­garða Háskóla Íslands. Til­kynnt var um fyr­ir­hug­aða flutn­inga CCP í dag.

„Það hef­ur margt breyst frá upp­­hafs­ár­um fyr­ir­tæk­is­ins þegar starf­­sem­in rúm­að­ist í lít­illi kjall­­ara­­skrif­­stofu við Klapp­­ar­­stíg. Síð­ustu tíu ár höf­um við verið með meg­in­­starf­­semi okk­ar á Granda­­svæð­inu, þar sem hef­ur farið vel  um okk­ur inn­­an um margs­kon­ar nýja starf­­semi sem þar hef­ur sprottið upp á síð­ustu árum,“ seg­ir Hilm­­ar Veig­ar í sam­tali við mbl.is í dag. Hann segir að tími hafi verið kom­inn á nýja stað­setn­ingu fyrir starf­sem­ina sam­hliða fram­tíð­ar­á­formum fyr­ir­tæk­is­ins.

Tölvu­leikja­fyr­ir­tækið CCP tap­aði alls 65,7 millj­ónum dala, um 8,7 millj­örðum króna, á síð­asta ári. Það tap bæt­ist við halla­rekstur fyr­ir­tæk­is­ins á árinu 2013, þegar það tap­aði 21,3 millj­ónum dala, eða 2,4 millj­örðum króna. Helsta ástæða taps­ins er gjald­færður rann­sókn­ar- og þró­un­ar­kostn­að­ur­. Hann jókst mikið bæði síð­ustu ár og var til að mynda 11,4 millj­arðar króna í fyrra. Árið áður var gjald­fært um 5,5 millj­arða króna vegna hans. Kostn­að­ur­inn er bæði til­komin vegna áfram­hald­andi þró­unar á Eve Online, en einnig vegna kostn­aðar sem lagt var út í vegna fyrstu per­sónu­skot­leiks­ins DUST 514 og World of Dark­ness, sem var blás­inn af í fyrra.

CCP vinnur jafn­framt að tölvu­leiknum EVE:Val­kyrie. Leik­ur­inn verður gef­inn út bæði fyrir PC tölvur og Playsta­tion 4 og not­ast við sýnd­ar­veru­leika­bún­að, Oculus Rift og Project Morpheus.