Dóms­upp­saga í Aur­um-­mál­inu svo­kall­aða mun fara fram á morg­un, fimmtu­dag. Í mál­inu eru þeir Jón Ásgeir Jóhann­es­son, fyrrum aðal­eig­andi Glitn­is, Lárus Weld­ing, fyrrum banka­stjóri Glitn­is, Magnús Arnar Arn­gríms­son, fyrr­ver­andi fram­kvæmda­stjóri fyr­ir­tækja­sviðs Glitni, og Bjarni Jóhann­es­son, fyrr­ver­andi við­skipta­stjóri Glitnis ákærðir fyrir umboðs­svik og hlut­deild í umboðs­svik­um.

Málið snýst um sex millj­arða króna lán­veit­ingu til félags­ins FS38 í júlí 2008. Lánið var veitt til að fjár­magna kaup FS38, eign­ar­laust félag í eigu Pálma Har­alds­son­ar, á 25,7 pró­sent hlut Fons hf., líka í eigu Pálma, í Aurum Hold­ing Limited. Hluti láns­ins, einn millj­arður króna, var ráð­stafað inn á per­sónu­legan banka­reikn­ing Jóns Ásgeirs. Hann nýtti þann millj­arð síðan í að borga meðal ann­ars 705 millj­óna króna yfir­drátt­ar­heim­ild sína hjá Glitni. Sér­stakur sak­sókn­ari vill meina að Jón Ásgeir hafi þannig fengið hlut í ávinn­ingi af brot­inu og notið hagn­að­ar­ins.

Sér­stakur sak­sókn­ari fer fram á sex ára fang­elsi yfir Lárusi Weld­ing í mál­inu of fjög­urra ára fang­elsi yfir þeim Jóni Ásgeiri, Magn­úsi Arn­ari og Bjarna.

Dóms­upp­sagan fer fram klukkan tíu í sal 101 á morg­un.