Neyt­enda­stofa hefur bannað DV að birta aug­lýs­ingar þar sem því er haldið fram að ­fólk ­fái iPad spjald­tölvur „frítt“ og „í kaup­bæti“ með áskrift að fjöl­miðl­in­um. Lög voru brotin með þessum við­skipta­háttum og DV þarf að greiða stjórn­valds­sekt vegna máls­ins, að upp­hæð 300 þús­und krón­ur.

DV hefur und­an­farið aug­lýst áskriftir að blað­inu. Á Face­book síðu DV er til dæmis aug­lýs­ing þar sem segir að „ef þú ger­ist áskrif­andi að DV færðu glæ­nýjan iPad í kaup­bæt­i!“

Neyt­enda­stofa segir að ekki fáist annað séð en að kostn­að­ur­inn við spjald­tölv­una sé inni­fal­inn í verði áskriftar og því „hvorki frí né í kaup­bæti þar sem áskrift­ar­leiðin var 334,9% dýr­ari fyrstu þrjá mán­uð­ina og 167,5% að þeim tíma liðnum miðað við áskrift án iPad.

„Í aug­lýs­ing­unum var til að mynda að finna eft­ir­far­andi full­yrð­ing­ar: „Fáðu áskrift að DV og þú færð FRÍAN iPad með áskrift­inni“ og „Fáðu áskrift að DV og þú færð iPad í kaup­bæti með áskrift­inn­i“. Á­skrift­ar­gjald var ekki tekið fram í aug­lýs­ing­unni. Á vef DV, dv.is, var að finna áskrift­ar­leiðir dag­blaðs­ins, þ.á.m. svo­nefnda iPad áskrift á 2.998. kr. á mán­uði með skuld­bind­ingu í 36 mán­uði og Vef­á­skrift 1 á 895. kr. á mán­uði fyrstu þrjá mán­uð­ina og 1.790 á mán­uði eftir það. Umræddar áskriftir voru eins að und­an­skildum iPad að eigin vali.“

Hér má sjá eina aug­lýs­ing­una þar sem iPad var aug­lýstur í kaup­bæti.