Eim­skip hefur kært leka á kæru Sam­keppn­is­eft­ir­lits­ins til Sér­staks sak­sókn­ara á hendur starfs­mönnum félags­ins og starfs­mönnum Sam­skips til lög­reglu. Eim­skip telur að það megi ráða á umfjöllun Kast­ljóss um kæruna þann 14. Októ­ber síð­ast­lið­inn að þátt­ur­inn hafi haft kæruna undir hönd­um. Eim­skip hefur einnig sent Fjár­mála­eft­ir­lit­inu og Kaup­höll Íslands ábend­ingu um að með hinum ætl­aða leka hafi mögu­legt lög­brot verið framið auk þess sem félagið hefur sent Sam­keppn­is­eft­ir­lit­inu og Sér­stökum sak­sókn­ara bréf þar sem það krefst „þess að fá afhent gögn sem tengj­ast umfjöllun Kast­ljós­s“. Þetta kemur fram í til­kynn­ingu Eim­skips til Kaup­hallar Íslands fyrr í dag.

Kaup­höll Íslands setti  hluta­bréf Eim­skips á athug­un­ar­lista í kjöl­far þess að Kast­ljós birti umfjöllun sína, enda komu þar fram upp­lýs­ingar sem eru verð­mót­andi. Virði félags­ins lækk­aði um þrjá millj­arða króna næstu þrjá dag­anna eftir að umfjöll­unin fór í loft­ið. Í til­kynn­ingu Eim­skips, þar sem máls­at­vik eru rakin ítar­lega, kemur fram að „leki á rann­sókn­ar­gögnum , og fjöl­miðla­um­ræða í kjöl­far hans, hefur nú þegar valdið hlut­höfum félags­ins tjóni. Þá hefur lek­inn skaðað ímynd félags­ins bæði hér­lendis og erlend­is“.

Hægt er að lesa til­kynn­ingu Eim­skips til Kaup­hall­ar­innar í heild sinni hér.