Jón Steinar Gunn­laugs­son, fyrr­ver­andi hæsta­rétt­ar­dóm­ari, bar full­trúa rétt­ar­fars­nefndar þungum sökum í við­tali í sjón­varps­þætt­inum Eyj­unni, í umsjón Björns Inga Hrafns­son­ar, í gær.

Jón Steinar nefndi Eirík Tóm­as­son, núver­andi dóm­ara við Hæsta­rétt og for­mann rétt­ar­fars­nefnd­ar, sér­stak­lega á nafn og sagði frá því hvernig hann og aðrir nefnd­ar­menn hefðu tryllst þegar Hanna Birna Krist­jáns­dótt­ir, þáver­andi inn­an­rík­is­ráð­herra, skip­aði þriggja manna nefnd til að skrifa frum­varp að nýjum dóm­stóla­lög­um. Það hefði ekki fallið í kramið hjá rétt­ar­fars­nefnd­inni, sem hefði litið svo á að ráð­herra hefði snið­gengið þá við skipun nefnd­ar­inn­ar.

Í við­tal­inu sagði Jón Stein­ar: „Þeir urðu alveg trylltir yfir því, í ein­hverri reiði yfir því að þeim skyldi ekki vera falið að gera þetta. Og ég hef alveg spurnir af því að for­mað­ur­inn í rétt­ar­fars­nefnd og rit­ari henn­ar, Bene­dikt Boga­son, þeir mættu í ráðu­neytið og höfðu bara hátt. Og til dæmis á fundi þess­arar nefndar veit ég, og jafn­vel á fundi ráð­herr­ans sjálfs, leyndi sér ekki að þeir töldu að fram­hjá sér hefði verið geng­ið.“

Í sam­tali við Kjarn­ann kveðst Eiríkur Tóm­as­son ekki ætla að tjá sig um ummæli Jóns Stein­ars. „Ég ætla ekki að fara að standa í orða­hnipp­ingum við Jón Stein­ar.“

Eiríkur segir að rétt­ar­fars­nefnd hafi mætt á fund með inn­an­rík­is­ráð­herra í eitt skipti síð­asta sum­ar, þar sem mál sem nefndin hafði til með­ferðar voru til umræðu. Þar hafi hug­myndin um milli­dóms­stig verið rædd, en nefndin hafði þá fjallað tölu­vert um hvernig haga ætti til­högun milli­dóms­stigs. Eiríkur ætlar ekki að tjá sig að öðru ­leyti um hvað var rætt á fund­inum með ráð­herra.