Skatt­greið­endur eru aldrei langt undan þegar bankar eru ann­ars veg­ar. Breskir skatt­greið­endur fengu í gær reikn­ing upp á einn millj­arð punda, jafn­virði ríf­lega 200 millj­arða króna, sem rekja má til þess þegar breska ríkið lagði 45,5 millj­arða punda inn í Royal Bank of Scotland haustið 2008, vegna þess að hann var tal­inn vera of stór til að falla. Fyrir 5,4 pró­sent hlut feng­ust 330 pens á hlut en þegar ríkið tók yfir rúm­lega 80 pró­sent hluta­fjár, með því að leggja fyrr­nefnda upp­hæð inn í hann, var það gert miðað við verð­mið­ann 500 pens á hlut.

Eftir gengd­ar­lausan tap­rekstur og hag­ræð­ing­ar­skeið, sem nemur tæp­lega 50 millj­örðum punda þegar allt er talið, er breska ríkið nú byrjað að selja hlut sinn í bank­anum með það að mark­miði að hámarka end­ur­heimt­ur. Ef þetta verður verð­mið­inn í við­skipt­unum fram­veg­is, það er þegar afgang­ur­inn af 73 pró­sent eign­ar­hlut breska rík­is­ins verður seld­ur, þá tapar það fimmtán millj­örðum punda, eða sem nemur ríf­lega 3.100 millj­örðum króna.

Of stór til að falla. En ekki of stór til að falla í fangið á skatt­greið­end­um...