Verk­fall lækna er hafið að nýju. Samn­inga­fundi Lækna­fé­lags Íslands og íslenska rík­is­ins var frestað um þrjúleytið í nótt og hefur nýr fundur verið boð­aður klukkan tvö. Það þýðir að boðuð verk­fallslota hófst á mið­nætti. Hún á að standa í fjóra sól­ar­hringa. Í þess­ari lotu eru það læknar á aðgerð­ar­sviði og flæða­sviði, hjá Sjúkra­trygg­ingum rík­is­ins, Trygg­inga­stofn­un, Grein­inga­stöð rík­is­ins, Heyrn­ar- og tal­meina­stöð­inni, Vinnu­eft­ir­lit­inu, Lyfja­stofn­un, Land­lækni og Þjón­ustu- og þekk­ing­ar­mið­stöð sem leggja niður störf. Verk­fall skurð­lækna hefur verið boðað frá og með 12. jan­úar næst­kom­andi náist ekki að semja við þá. Þær við­ræður eru ekki hluti af við­ræðum Lækna­fé­lags Íslands við ríkið og enn hefur ekki verið boð­aður nýr fundur í kjara­deilu skurð­lækna.

Á vef RÚV er haft eftir Gunn­ari Björns­syni, for­manns samn­inga­nefndar rík­is­ins, að sumu hafi miðað á fund­inum í nótt en öðru ekki. Hænu­skref séu þó líka skref.

160 aðgerðir frest­ast og konur kom­ast ekki í keis­ara­skurð

Nú þegar hefur þurft að fresta um 700 skurða­að­gerð­um, um 100 hjarta­þræð­ing­um, 800 mynd­grein­ingar­rann­sókn­unm og þrjú þús­und dag- og göngu­deild­ar­komum vegna verk­falls­að­gerða lækna. Í Frétta­blað­inu í dag er greint frá því að sex barns­haf­andi konur bíða þess að fara í val­kvæðan keis­ara­skurð. Vegna verk­falls­ins er mögu­legt að þeir muni ekki eiga kost á því að fara í aðgerð­ina á þeim tíma sem ákveðið var. Kon­urnar sem um ræðir eru mjög ugg­andi vegna ástands­ins og eru undir sér­stöku eft­ir­liti.

Afleið­ingar verk­falls­ins, náist ekki að semja, verða meðal ann­ars þær að 160 aðgerðir frest­ast í fyrstu viku þess. Í Morg­un­blað­inu í dag segir Ólafur Bald­urs­son, fram­kvæmda­stjóri lækn­inga á Lands­spít­al­an­um, að algjört ófremd­ar­á­stand muni fylgja verk­fall­inu. „Þá verður heild­ar­biðlist­inn eftir aðgerðum orð­inn óheyri­lega stór og það verður engin leið að stjórna honum almenni­lega. Það mun taka marga mán­uði að vinna hann nið­ur".