Sig­rún Magn­ús­dóttir umhverf­is- og auð­linda­ráð­herra ætlar ekki að leggja til neinar breyt­ingar á ramma­á­ætlun á kom­andi þingi. Þetta kom fram í kvöld­fréttum RÚV. Hún segir hins vegar að öðrum þing­mönnum sé frjálst að leggja til end­ur­skoðun á henni.

Á síð­asta þingi urðu mikil átök vegna ramma­á­ætl­un­ar. Meiri­hluti atvinnu­vega­nefndar bætti óvænt við fjórum nýt­ing­ar­kostum á milli umræðna í þing­inu, sem stjórn­ar­and­staðan var veru­lega ósátt við. Til­lagan fjall­aði upp­haf­lega aðeins um að færa Hvamms­virkjun í nýt­ing­ar­flokk en í umfjöllun nefnd­ar­innar var Holta­virkj­un, Urriða­foss­virkjun og Skrokköldu­virkjun öllum bætt við. Nið­ur­staðan varð þó sú á end­anum að aðeins Hvamms­virkjun var færð í nýt­ing­ar­flokk.

Sig­rún segir fag­hópa verk­efn­is­stjórn­ar­innar um ramma­á­ætlun hafa unnið ötul­lega að mál­inu und­an­far­ið. Fag­hóp­arnir leggja nið­ur­stöðu fyrir verk­efn­is­stjórn ramma­á­ætl­unar 17. febr­ú­ar. Verk­efn­is­stjórnin skilar svo til­lögum til ráð­herra eigi síðar en 1.sept­em­ber á næsta ári.

„Ég hef trölla­trú á þessu ferli sem Alþingi bjó til og vil að það fái að vinna sína vinnu og skila mér í hendur til­lögu. Hvort ég geri breyt­ingar á til­lög­unni þegar ég fæ hana í hendur get ég ekki sagt til á þess­ari stund­u,“ sagði Sig­rún við RÚV.