Nokkrir erlendir fjöl­miðlar hafa fjallað um fjár­kúg­un­ar­málið gagn­vart Sig­mundi Davíð Gunn­laugs­syni for­sæt­is­ráð­herra á und­an­förnum dög­um.

Bloomberg frétta­veitan sagði frá mál­inu strax á þriðju­dag þegar það kom upp, en blaða­mað­ur­inn Ómar Valdi­mars­son starfar fyrir Bloomberg og skrif­aði um mál­ið, eins og sjá má hér.

Í gær rataði málið svo í danska fjöl­miðla, en danska rík­is­út­varpið greindi ítar­lega frá mál­inu í langri frétt, eins og lesa má hér.

Og seinni part dags í gær birt­ist svo frétt á stærsta ensku­mæl­andi vef­miðli heims, Daily Mail, eins og lesa má hér.

Miðl­arnir greina allir frá því að Hlín Ein­ars­dóttir og Malín Brand hafi verið hand­teknar síð­ast­lið­inn föstu­dag vegna til­raunar til fjár­kúg­un­ar, eins og frægt er orð­ið. Hlín og Malín hafa játað aðild að mál­inu, en Malín seg­ist ekki hafa átt aðild að því að senda for­sæt­is­ráð­herra bréfið heldur hafi hún haft vit­neskju um það og keyrt Hlín á áfanga­stað. Þar átti að skilja eftir pen­ing­ana sem kraf­ist var í bréf­inu, en þess í stað voru syst­urnar hand­tekn­ar.