Lög­reglan á höf­uð­borg­ar­svæð­inu hefur greint frá því að evr­ópska lög­reglu­skrif­stofan Europol hafi gefið út við­vörun vegna dreif­ingar á vímu­efn­inu PMMA. Efnið þykir keim­líkt MDMA, betur þekkt sem e-pilla, alsæla eða molly, en á að vera enn hættu­legra. Sam­kvæmt stöðu­færslu lög­regl­unnar á face­book koma vímu­á­hrif hins PMMA hægt fram og því séu aukin lík­indi á ofskammti. „Neyt­endur sem eru vanir áhrifum MDMA gætu talið að efnið væri veikt og tekið inn meira af efn­inu til að auka áhrifin en lent í því að taka inn ofskammt. Þá hafa mæl­ingar leitt í ljós að hlut­fall PMMA í einni töflu getur verið þrefalt yfir hættu­mörkum og verið lífs­hættu­leg­t".

Eitt dauðs­fall á Íslandi verið rakið til neyslu PMMA

Eitt dauðs­fall á Íslandi hefur verið rakið til notk­unar á PMMA. Það var fyrir þremur árum síð­an. Lög­reglan segir að eitr­anir sökum þess hafi færst í vöxt að und­an­förnu i Evr­ópu og að síð­ustu vikur hafi fólk dáið eftir notkun efn­is­ins í Sví­þjóð og Bret­landi. Að sögn lög­regl­unnar veldur efnið hækkun á lík­ams­hita, heila­bólgu, blóð­rás­ar­trufl­un­um, eyði­legg­ingu á vöðva- og lifr­ar­frum­um, og í alvar­leg­ustu til­fellum dregið neyt­and­ann til dauða.

PMMA er í pillu­formi og í stöðu­upp­færslu lög­regl­unnar á face­book segir að pill­urnar séu oft með súperman merki, þótt það sé ekki ein­hlítt. „Lög­reglan beinir því til allra að vera vak­andi fyrir þessu hættu­lega efni og að vekja athygli á því meðal þeirra sem það telur þörf á. Ung­lingar eru í sér­stökum áhættu­hóp og því beinum við því til for­ráða­manna að eiga umræðu um slíkar hættur við börn sín."

Mikið í umræð­unni sum­arið 2011

Mikil umræða var um PMMA hér­lendis árið 2011 eftir að kona um tví­tugt fannst látin í íbúð í Reykja­vík eftir að hafa tekið inn ban­væna blöndu af amfetamíni og PMMA. Lög­reglan á höf­uð­borg­ar­svæð­inu greip til umfangs­mik­illa aðgerða í kjöl­farið til að stemma stigu við frek­ari dreif­ingu efn­is­ins hér­lend­is, en það hafði þá fund­ist víða á meðal fíkni­efna­neyt­enda. Ári síðar var haft eftir Karli Stein­ari Vals­syni aðstoð­ar­yf­ir­lög­reglu­þjóni að efnið hefði ekki sést á götum Reykja­víkur frá því sum­arið 2011. Nú virð­ist lögeglan hins vegar hafa af því áhyggjur að efnið sé komið aftur til lands­ins.