Eygló Harða­dótt­ir, félags- og hús­næð­is­mála­ráð­herra og rit­ari Fram­sókn­ar­flokks­ins, segir skipan Gúst­afs Níels­sonar sem var­manns í Mann­réttinda­ráðs Reykja­vík­ur­borgar sé óásætt­an­leg. Ítrek­aðar yfir­lýs­ingar hans gangi þvert gegn gildum Fram­sókn­ar­flokks­ins og við­horf hans end­ur­spegli  allt annað en stefnu flokks­ins um almenn mann­rétt­indi, rétt­indi sam­kyn­hneigðra, inn­flytj­enda og ýmissa minni­hluta­hópa". Hún vill að borg­ar­full­trúar Fram­sóknar og flug­valla­vina í Reykja­vík aft­ur­kalli skipan Gúst­afs hið fyrsta. Þetta kemur fram í nýrri stöðu­upp­færslu Eygloar á Face­book.

 Mosku­and­stæð­ingur og flokks­bund­inn sjálf­stæð­is­maður

Fram­sókn og flug­vall­ar­vinir skip­uðu í gær Gústaf Níels­son, sagn­fræð­ing og yfir­lýstan and­stæð­ing bygg­ingar mosku í Reykja­vík, sem vara­mann í mann­réttinda­ráð borg­ar­inn­ar.Þetta kom fram á Vísi.is. Þar var haft eftir Guð­finnu Jóhönnu Guð­munds­dótt­ur, borg­ar­full­trúa Fram­sóknar og flug­vall­ar­vina, að alls­konar raddir eigi að hljóma í mann­réttinda­ráði borg­ar­inn­ar.

Gúst­af, sem er bróðir Brynjars Níels­sonar þing­manns Sjálf­stæð­is­flokks­ins. Hann er flokks­bund­inn þeim flokki og fyrr­ver­andi fram­kvæmda­stjóri þing­flokks hans.

Sam­kvæmt frétt Vísis hefur Gústaf sætt „ harðri gagn­rýni fyrir ummæli sín í garð múslíma en á síð­asta ári lagði hann til að Ísland bann­aði hin íslömsku trú­ar­brögð og setti þannig for­dæmi fyrir alla Evr­ópu. Í við­tali í útvarps­þætt­inum Harma­geddon í maí síð­ast­liðnum sagð­ist hann telja mik­il­vægt að standa vörð um kristin gildi  Íslend­inga. Þá lýsti hann áhyggjum af því að reist yrði moska í Reykja­vík“.

Sprengdu upp sveit­ar­stjórn­ar­kosn­ing­arar

Átta dögum fyrir sveit­ar­stjórn­ar­kosn­ing­arnar 2014 var haft eftir Svein­björgu Birnu Svein­björns­dótt­ur, odd­vita Fram­sóknar og flug­vall­ar­vina í Reykja­vík, að „á meðan við erum með þjóð­kirkju eigum við ekki að úthluta lóðum undir hús eins og moskur eða kirkjur fyrir grísku

rét­trún­að­ar­kirkj­una“. Í við­tali við Vísi sagð­ist hún hafa „búið í um eitt ár í Sádí Arabíu og byggi þessa skoðun mína ekki á for­dóm­um, heldur reynslu.“

Í kjöl­farið var lýst yfir stuðn­ingi við Fram­sókn­ar­flokk­inn á Face­book síðu sem bar nafnið „Mót­mælum mosku á Ísland­i“. Fylgi flokks­ins jókst mikið þessa síð­ustu daga fyrir kosn­ing­arnar og flokk­ur­inn fór úr því að mæl­ast með án borg­ar­full­trúa í að ná tveimur slíkum inn í borg­ar­stjórn.

Hösk­uldur sagði við­brögðin hafa mátt vera sterk­ari

Hösk­uldur Þór­halls­son, þing­maður Fram­sókn­ar­flokks­ins, sagði í þætt­inumViku­lok­unum á Rás 1 um liðna helg­i að við­brögð flokks hans við mosku-um­mælum Svein­bjargar Birnu  fyrir síð­ustu sveit­ar­stjórn­ar­kosn­ingar hefðu mátt vera sterk­ari. Eftir á að hyggja hefði flokk­ur­inn átt að bregð­ast fljótar og ákveðnar við. Hann væri hins vegar þeirrar skoð­unar að „Fram­sókn­ar­flokk­ur­inn muni berj­ast gegn öllum hug­myndum um mis­mun­un“.