Félag atvinnu­rek­enda (FA) hefur óskað eftir því bréf­lega að Sig­urður Ingi Jóhanns­son, land­bún­að­ar­ráð­herra, rýmki fyrir kjöt­inn­flutn­ingi til að bregð­ast við yfir­vof­andi verk­falli dýra­lækna og mögu­legum kjöt­skorti í kjöl­far­ið. Þetta kemur fram í frétta­til­kynn­ingu sem FA sendi fjöl­miðlum í dag.

Í bréfi Ólafs Steph­en­sen, fram­kvæmda­stjóra FA til atvinnu­vega­ráðu­neyt­is­ins er bent á að land­ún­að­ar­ráð­herra beri skylda til, sam­kvæmt búvöru­lög­um, að gefa út opinn inn­flutn­ings­kvóta á lægri toll­um, þegar fram­boð búvöru er ekki nægj­an­legt á inn­an­lands­mark­aði.

„Fé­lag atvinnu­rek­enda fer þess á leit við ráðu­neytið að það kalli saman ráð­gjaf­ar­nefnd um inn- og útflutn­ing land­bún­að­ar­af­urða og nefndin und­ir­búi að gefa þegar í stað út opinn toll­kvóta fyrir fjöl­breyti­legt úrval nauta-, ali­fugla- og svína­kjöts, komi til verk­falls,“ segir í bréf­inu.

Þar segir enn­frem­ur: „Með skjótum við­brögðum nefnd­ar­innar og ráð­herra má afstýra kjöt­skorti og tryggja fæðu­ör­yggi lands­manna. Aðgerða­leysi stjórn­valda mun á hinn bóg­inn, að óbreyttu, valda skorti á nauð­syn­legum mat­væl­um, skerða lífs­gæði og skaða allan almenn­ing í land­in­u.“

Í frétt í Frétta­blað­inu í dag er haft eftir Finni Árna­syni, for­stjóra Haga, að ferskvara muni klár­ast á tveimur til þremur dögum í verk­falli og því stefni fljótt í kjöt­skort í versl­un­um, komi til verk­falls dýra­lækna en þá mun slátrun í land­inu stöðvast.