Borg­ar­ráðs­full­trúar Sjálf­stæð­is­flokks­ins hafa óskað eftir svörum um það hvernig er staðið að sam­skipta­síðu undir nafni Reykja­vík­ur­borgar á Face­book. Þetta kemur fram í frétta­til­kynn­ingu sem borg­ar­stjórn­ar­flokkur Sjálf­stæð­is­flokks­ins sendi frá sér rétt í þessu. Ástæðan er sú að Face­book-­síða Reykja­víkur reifst við Björn Jón Braga­son, full­trúa Sjálf­stæð­is­flokks í hverf­is­ráði Laug­ar­dals og fjöl­menn­ing­ar­ráði og vara­mann í vel­ferð­ar­ráði, og gerði honum upp skoð­an­ir. Ástæðan var sú að Björn Jón benti á í athuga­semda­kerfi á Face­book-­síðu borg­ar­innar að gatna­kerfi hennar væri hrunið „vegna við­halds­leysis vinstri­manna síð­ustu ára sem hefðu verið upp­teknir við að eyða pen­ingum almennnings í gælu­verk­efn­i.“

Reykja­vík­ur­borg svar­aði: „Þetta er ekki rétt hjá Birni Jóni Braga­syni sem gengur hér póli­tískra erinda D-list­ans á síð­unni. Hann er mað­ur­inn sem vill engar sum­ar­göt­ur“.

Skömmu síðar gaf Bjarni Brynj­ólfs­son, upp­lýs­inga­full­trúi Reykja­vík­ur­borg­ar, sig fram sem þann sem skrif­aði færsl­una í nafni borg­ar­inna og biðst afsök­unar á athæf­inu. Hann sagð­ist hafa ritað færsl­una í flýti.

Borg­ar­ráðs­full­trúar Sjálf­stæð­is­flokks vilja hins vegar skýr­ari svör um hvernig staðið sé að sam­skipta­síð­unni. Í til­kynn­ingu frá þeim seg­ir: „ Spurn­ingin kemur til vegna þess að full­trúi af lista Sjálf­stæð­is­flokks­ins setti inn gagn­rýni á síð­una sem var svarað með skæt­ingi og honum jafn­vel gerðar upp skoð­anir í skjóli nafn­leysis þrátt fyrir að hér sé um ein­hvers konar sam­skipta­síðu Reykja­vík­ur­borgar að ræða. Óskað er eftir upp­lýs­ingum um í umboði hvers þessi vinna er unnin innan borg­ar­innar og hvaða starfs­menn borg­ar­innar sinna fram­kvæmd henn­ar. Þar sem þetta er undir nafni Reykja­vík­ur­borgar er þarna um opin­bera rödd borg­ar­innar að ræða og þar af leið­andi und­ar­leg ásýnd á það hvernig sam­tal borg­ar­yf­ir­völd vilja hafa við íbúa sína“.