Alls var 183 kaup­samn­ingum þing­lýst á höf­uð­borg­ar­svæð­inu í síð­ustu viku og þar af voru 138 um eignir í fjöl­býli, 35 um sér­býli og tíu um ann­ars konar eignir en íbúð­ar­hús­næði. Heild­ar­veltan var 7.440 millj­ónir króna og með­al­upp­hæð á samn­ing var 40,7 millj­ónir króna, sam­kvæmt viku­legum gögnum Þjóð­skrár Íslands um veltu á fast­eigna­mark­aði. Er þetta mesti fjöldi samn­inga síðan í nóv­em­ber 2007 og þarf að fara aftur til sept­em­ber 2007 til þess að finna sömu veltu að nafn­verði á fast­eigna­mark­aði á höf­uð­borg­ar­svæð­inu.

Þjóð­skrá hefur á síð­ustu þremur vikum birt viku­legar upp­lýs­ingar um þróun á fast­eigna­mark­aði, líkt og mörg und­an­farin ár. Á tíu vikna tíma­bili fyrir þann tíma birt­ust þó engar nýjar upp­lýs­ing­ar, eins og sjá má á gröf­unum hér að neð­an, vegna þess að engir samn­ingar voru þing­lýstir á meðan verk­fall lög­fræð­inga hjá sýslu­mann­inum á höf­uð­borg­ar­svæð­inu stóð yfir. Verk­fallið hefur þannig bein áhrif á auk­inn fjölda þing­lýs­inga í síð­ustu viku, þar sem reynt er að klára að sam­inga sem biðu þing­lýs­ing­ar.