Félag prest­vígðra kvenna skorar á val­nefnd­ir, pró­fasta og biskup Íslands að tryggja aðgengi þjóð­kirkju­fólks að jafnri þjón­ustu beggja kynja innan sókna, sam­starfs­svæða eða pró­fasts­dæma. Þá gagn­rýnir félagið Þjóð­kirkj­una fyrir hversu lít­inn fram­gang konur hafi fengið við veit­ingar emb­ætta á umliðnu ári.

Þetta er á meðal þess sem finna má í ályktun sem sam­þykkt var á fram­halds­að­al­fundi félags­ins í dag, þar sem athygli kirkj­unnar er vakin á þeirri stað­reynd að ein­ungis þriðj­ungur þjón­andi presta á Íslandi séu kon­ur.

Í álykt­un­inni seg­ir: „Fé­lag prests­vígðra kvenna fagnar því hversu margar fram­bæri­legar konur hafa lokið guð­fræði­námi og sækj­ast eftir emb­ættum og trún­að­ar­störfum í þjóð­kirkj­unni. Hins vegar gagn­rýnir fund­ur­inn hversu lít­inn fram­gang  konur hafa fengið í vali og veit­ingum emb­ætta á umliðnu ári en á árinu fengu fimm karlar og fjórar konur emb­ætti, en á móti gengu sjö konur og tveir karlar úr emb­ætti, þannig að kynja­hall­inn hefur enn auk­ist. Að auki  bendir fund­ur­inn á að af þeim sem hlutu vígslu árið 2014 voru 5 karlar og 2 kon­ur.“