Fjár­mála­eft­ir­litið (FME) veitir ekki upp­lýs­ingar um hvort að sala á tíu pró­sent hlut í Sím­anum áður en útboð á hlutafé í honum fór fram sé til skoð­unar hjá stofn­un­inni. Þetta kemur fram í svari Unnar Gunn­ars­dótt­ur, for­stjóra FME, við fyr­ir­spurn Kjarn­ans um mál­ið.

Þar segir Unnur að eft­ir­litið geti ekki veitt upp­lýs­ingar um hvort mál séu til með­ferðar eða hvort það hygg­ist taka mál til skoð­un­ar, fyrr en að máls­með­ferð sé lok­ið. Þá verði upp­lýst um það í formi gagn­sæ­istil­kynn­ing­ar. "Bent er á ríka trún­að­ar­skyldu Fjár­mála­eft­ir­lits­ins sam­kvæmt lögum sem tak­markar mögu­leika stofn­un­ar­innar til að tjá sig opin­ber­lega um mál sem eru til með­ferð­ar".

Banka­sýslan hefur verið í sam­bandi við Kaup­skil

Guð­laugur Þór Þórð­ar­son, þing­maður Sjálf­stæð­is­flokks hef­ur beint spurn­ingum í níu liðum til Banka­sýslu rík­is­ins vegna sölu Arion banka á eign­ar­hlut í Sím­an­um. Meðal þess sem þing­mað­ur­inn spyr að er hvers vegna vild­ar­við­skipt­ar­vinum bank­ans hafi verið seldur hlutur í Sím­anum á undan öðrum á mun lægra gengi en í almennu útboði á 21 pró­senta hlut í síð­ustu viku. Hann spyr einnig um hvert ferlið hafi ver­ið þegar ákveðnum við­skipta­vinum og stjórn­endum Sím­ans var boðið að kaupa hluti í fyr­ir­tæk­inu á undan öðrum og hvort salan hafi mögu­lega falið í sér mark­aðs­mis­notk­un.

Jón Gunnar Jóns­son, for­stjóri Banka­sýslu rík­is­ins, segir í sam­tali við Kjarn­ann að stofn­unin muni svara fyr­ir­spurn Guð­laugs. Engin ákvörðun hafi verið tekið inn­an­hús um næstu skref en Banka­sýslan, sem fer með 13 pró­sent hlut rík­is­ins í Arion banka, hafi verið í sam­bandi við Kaup­skil, sem heldur á 87 pró­sent eign­ar­hlut ­kröfu­hafa gamla Kaup­þings í bank­an­um, vegna máls­ins. Stjórn Kaup­skila mun taka málið til umfjöll­unar síðar í þess­ari viku og Reynir Axels­son, ­stjórn­ar­for­maður Kaup­skila, sagði í sam­tali við Morg­un­blaðið í gær að til greina komi að beina fyr­ir­spurnum til bank­ans varð­andi sölu­ferlið en stjórnin hafi ekki tekið neina afstöðu enn­þá.

Keyptu á lægra verði í aðdrag­anda útboðs

Al­mennu hluta­fjár­út­boði Arion banka á 21 pró­senta hlut í Sím­anum lauk í síð­ustu viku og verða bréf félags­ins tekin til við­skipta í Kaup­höll­inni á morg­un. Mikil umfram­eft­ir­spurn var í útboð­inu og seld­ust bréfin á með­al­geng­inu 3,3 krónur á hlut.

Áður, í ágúst síð­ast­liðn­um, var gengið frá sölu fimm pró­senta hlutar í félag­inu á geng­inu 2,5 til Orra Hauks­son­ar, for­stjóra Sím­ans, og fleiri stjórn­enda félags­ins auk ann­arra fjár­festa. Í aðdrag­anda útboðs­ins seldi Arion banki síðan vild­ar­við­skipt­ar­vinum sínum sam­tals fimm pró­senta hlut á geng­inu 2,8 krón­ur. Alls átti bank­inn 38 pró­senta hlut í Sím­an­um, sem hann eign­að­ist eftir end­ur­skipu­lagn­ingu félags­ins árið 2012, og stendur því eftir með undir tíu pró­sent eign­ar­hlut.