Íbúða­skuldir heim­ila sem hlut­fall af ráð­stöf­un­ar­tekjum eru að með­al­tali hæstar hjá þeim sem búa í póst­núm­eri sem hefst á tölu­stafnum tveim­ur. Það eru meðal ann­ars Kópa­vog­ur, Garða­bær, Hafn­ar­fjörður og Reykja­nes­bær. Að með­al­tali er hlut­fallið 318 pró­sent, þ.e. íbúða­skuldir eru að með­al­tali 318 pró­sent af ráð­stöf­un­ar­tekjum íbú­anna.

Hag­fræði­deild Lands­bank­ans vekur athygli á þessu í dag og vísar til umfjöll­unar í síð­ustu fjár­mála­stöð­ug­leika­skýrslu Seðla­bank­ans. Í umfjöllun hag­fræði­deild­ar­innar er birt eft­ir­far­andi mynd sem sýnir skuldir heim­ila sem hlut­fall af ráð­stöf­un­ar­tekjum eftir póst­núm­er­um.

Næst hæstar eru skuld­irnar í póst­núm­erum sem byrja á tölu­stafnum 1 en lægstar eru þær í póst­núm­erum sem byrja á 4, þ.e. Vest­firð­ir, og 7, þ.e. Aust­ur­land. „Almennt virð­ast skuldir sem hlut­fall af ráð­stöf­un­ar­tekjum lækka eftir því fjær höf­uð­borg­ar­svæð­inu farið er, með þeirri und­an­tekn­ingu að ein­stak­lingar í póst­núm­erum sem byrja á 6 skulda meira en búast mætti við. Skýrist það vænt­an­lega af því að Akur­eyri er á því svæð­i,“ segir í umfjöll­un­inni á vef­svæði bank­ans.