Þór­unn Svein­bjarn­ar­dótt­ir, for­maður Banda­lags háskóla­manna (BHM), segir enga neyð fyrir hendi sem rétt­læti laga­setn­ingu Alþingis á verk­föll aðild­ar­fé­laga banda­lags­ins. Þetta segir for­maður BHM í sam­tali við frétta­stofu RÚV.

Í athuga­semdum með laga­frum­varp­inu sem kvað á um frestun verk­falls­að­gerða ein­stakra aðild­ar­fé­laga BHM og Félags íslenskra hjúkr­un­ar­fræð­inga, segir að brýnt sé að bregð­ast við til að afstýra tjóni og nei­kvæðum áhrifum á sam­fé­lag­ið. Þá hafi verk­föllin haft veru­lega nei­kvæð áhrif á almanna­hags­muni og sett verk­efni rík­is­ins í upp­nám. Í athuga­semd­unum segir enn fremur að ríkir almanna­hags­munir og/eða rétt­indi ann­arra standi einnig til þess að bund­inn verði endir á verk­föll hjá starfs­mönnum sýslu­manns og dýra­lækn­um.

Nið­ur­lægj­andi laga­setn­ing

For­maður BHM tekur ekki undir þau sjón­ar­mið að áhyggjur af ástandi sjúk­linga rétt­læti aðgerðir stjórn­valda.  „Af því að sú vá er ekki fyrir dyr­um,“ sagði Þór­unn Svein­bjarn­ar­dóttir í sam­tali við frétta­stofu RÚV. „Þegar farið er í verk­falls­að­gerðir þá starfa und­an­þágu­nefndir og þær hafa það hlut­verk að koma í veg fyrir að neyð skap­ist og það hafa þær gert núna í nærri tíu vik­ur, bæði í heil­brigð­is­þjón­ustu og í annarri þjón­ustu eins og til dæmis þjón­ustu dýra­lækna og lög­fræð­inga, þannig að neyðin er ekki sú sem stjórn­völd eru að halda fram.“

Aðspurð um hljóðið í sínum félags­mönn­um, að vera neyddir til að snúa aftur til vinnu svar­aði for­maður BHM:  „Það er þungt hljóð í félags­mönnum BHM, þetta eru þung skref og fólk er reitt. Það hefur reynt mjög á lang­lund­ar­geð þess og laga­setn­ing sem þessi er nið­ur­lægj­andi og það er aldrei gott í sam­skiptum að nið­ur­lægja fólk.“

Eins og kunn­ugt er hyggst BHM ­stefna íslenska rík­inu vegna laga­setn­ing­ar­innar og hefur ráðið hæsta­rétt­ar­lög­mann­inn Ást­ráð Har­alds­son til að gæta hags­muna banda­lags­ins í mál­inu.