„Á síð­asta ári voru kjara­samn­ingar megin þorra launa­fólks fram­lengdir með mjög hóf­legum launa­hækk­un­um. Með þeim samn­ingi var skapað tæki­færi fyrir stjórn­völd til að byggja sam­fé­lag jafn­að­ar, þar sem hags­munir heild­ar­innar voru settir í for­grunn. En í stað þess að nýta þetta ein­staka tæki­færi og leggj­ast á eitt með launa­fólki, með því að vinna að bættum hag almenn­ings, héldu stjórn­völd inn á braut sér­hags­muna og ójafn­að­ar.“ Þetta sagði Elín Björg Jóns­dótt­ir, for­maður BSRB í ræðu sinni á Akur­eyri í dag, í til­efni af alþjóð­legum bar­áttu­degi verka­fólks. „Við stöndum frammi fyrir alvar­leg­ustu deilum á vinnu­mark­aði í árarað­ir.“

Í ræðu sinni sagði for­maður BSRB að laun afmark­aðra hópa hafi hækkað langt umfram það sem fjöl­menn­ustu og lægst laun­uð­ustu hóp­arnir hafi samið um, ásamt því að ráð­ist var í nið­ur­skurð­ar­að­gerðir á flestum sviðum opin­berrar þjón­ustu og skatta­hækk­anir á mat­væli. Með aðgerðum sínum í þágu hinna fáu efna­meiri hafi stjórn­völd og atvinnu­rek­endur hafnað því að vinna sam­eig­in­lega á grunni stöð­ug­leika og sam­stöðu.

Leið­rétt­ingin bara fyrir afmark­aðan hóp

Þá gerði Elín Björg ný­leg ummæli Bjarna Bene­dikts­son­ar, efna­hags- og fjár­mála­ráð­herra, að umfjöll­un­ar­efni í ræðu sinni. „Fjár­mála­ráð­herra veltir því upp í alvöru hvort gengið hafi verið of langt í því að jafna kjör fólks. Þessi ummæli lætur hann falla eftir að hafa lækkað auð­linda­gjöld á útgerð­ir, lagt af auð­legð­ar­skatt á þá efna­mestu og boðað að til standi að afnema orku­skatt á stór­iðj­una sem mun spara álfyr­ir­tækj­unum rúman einn og hálfan millj­arð árlega í greiðslur til sam­fé­lags­ins. Ofan á allt hefur mat­ar­skattur á almenn­ing verið hækk­aður veru­lega og 80 millj­arðar af opin­beru fé fóru til leið­rétt­ingar hús­næð­is­lána afmark­aðs hóps. Í þeirri aðgerð voru stórir hópar skildir eftir og fengu enga leið­rétt­ingu sinna mála þótt aðgerðin ætti að heita almenn.“

Þá kall­aði for­maður BSRB eftir áfram­hald­andi sam­taka­mætti verka­lýðs­fé­lag­anna. „Sam­staðan er það afl sem getur breytt sam­fé­lagi til hins betra. Okkur tókst það fyrr á tím­um, og okkur tekst það í fram­tíð­inni. Saman getum við reist betra sam­fé­lag, rétt­lát­ara sam­fé­lag.“