Nú ríkir óvenju mikil óvissa um fram­hald þing­starfa og ómögu­legt er að segja til um fram­hald­ið. Þetta segir Einar K. Guð­finns­son, for­seti Alþingis og þing­maður Sjálf­stæð­is­flokks­ins, við RÚV.

Þing­fundur hefst klukkan 13:30 í dag og þá þing­fund­ar­daga sem eftir eru verður þing­fundur haf­inn klukkan 10. Það er þó flestum ljóst að þetta mun ekki duga til að ljúka þing­inu á réttum tíma, en sam­kvæmt starfs­á­ætlun þings­ins eru aðeins fimm og hálfur dagur eft­ir. Enn eiga stór mál eftir að koma inn í þing­ið.

Und­an­farna daga hefur verið rætt um ramma­á­ætl­un, og þær til­lögur meiri­hluta atvinnu­vega­nefndar að bæta við virkj­un­ar­kostum í nýt­ing­ar­flokk. Þess­ari umræðu verður haldið áfram í dag. „Það er auð­vitað þannig að við erum að ræða hér mjög umdeilt mál sem menn hafa miklar skoð­anir á og umræð­urnar taka langan tíma og mér er bara lífs­ins ómögu­legt að átta mig á því hversu langan tíma þessar umræður taka eða hvernig þing­inu vindur fram allra næstu dag­ana“, segir Einar í sam­tali við RÚV. Hann ­segir ramma­á­ætlun eitt af for­gangs­málum rík­is­stjórn­ar­innar og að allir hafi gert sér grein fyrir því að málið færi á dag­skrá þings­ins.