Gunnar Bragi Sveins­son utan­rík­is­ráð­herra mælti í dag fyrir frum­varpi um breyt­ingar á lögum um alþjóð­lega þró­un­ar­sam­vinnu. Verði frum­varpið að lögum verður Þró­un­ar­sam­vinnu­stofnun Íslands lögð niður og verk­efni hennar færð til utan­rík­is­ráðu­neyt­is­ins. Þar verður stofnuð þró­un­ar­sam­vinnu­nefnd auk þess sem breyt­ingar verða gerðar á fyr­ir­komu­lagi íslensku frið­ar­gæsl­unn­ar.

Í frétt á heima­síðu utan­rík­is­ráðu­neyt­is­ins segir að meg­in­til­laga frum­varps­ins um að færa starf­semi Þró­un­ar­sam­vinnu­stofn­unar til utan­rík­is­ráðu­neyt­is­ins miði „að því að ein­falda skipu­lag til að hámarka árangur af þró­un­ar­sam­vinnu og nýta þá fjár­muni sem íslensk stjórn­völd veita til mála­flokks­ins sem best. Með sam­ein­ingu næst betri heild­ar­sýn yfir mála­flokk­inn, sam­hæf­ing og skil­virkni efld, komið veg fyrir skörun verk­efna og dregið úr óhag­ræði og tví­verkn­aði í rekstri og stjórn­un.“

Þar er haft eftir Gunn­ari Braga að með nýju fyr­ir­komu­lagi þró­un­ar­sam­vinnu séu tengsl þró­un­ar­sam­vinnu og ann­arra utan­rík­is­mála styrkt og sam­skipti við erlend ríki og stofn­anir á sviði þró­un­ar­sam­vinnu sam­stillt  við utan­rík­is­stefn­una. „Al­þjóð­leg þró­un­ar­sam­vinna hefur tekið umfangs­miklum breyt­ingum sem kallar á breytta nálgun í þró­un­ar­sam­vinnu. Takast þarf á við hnatt­rænar áskor­anir sem krefj­ast sam­spils þró­un­ar­sam­vinnu og ann­arra utan­rík­is­mála.“

Við sam­ein­ing­una verður öllum starfs­mönnum Þró­un­ar­sam­vinnu­stofn­unnar boðin sam­bæri­leg störf í ráðu­neyt­inu.