Eiríkur Finnur Greips­son, full­trúi Sjálf­stæð­is­flokks­ins í stjórn RÚV, gagn­rýnir frétta­mið­il­inn Stund­ina harð­lega fyrir lág­kúru­leg vinnu­brögð og fyrir að skeyta engu um mann­orð heið­ar­legs og dug­legs fólks vegna frétta­flutn­ings mið­ils­ins um tengsl Ill­uga Gunn­ars­son­ar, mennta- og menn­ing­ar­mála­ráð­herra, við fyr­ir­tækið Orku Energy. Gagn­rýnin er sett fram í um­mælum við Face­book-­stöðu­upp­færslu Ill­uga þar sem ráð­herr­ann birti skatt­fram­tal sitt vegna und­an­far­innar ára.

Eiríkur Finnur situr í stjórn RÚV fyrir hönd Sjálf­stæð­is­flokks­ins. Þangað var hann skip­aður í jan­úar á þessu ári eftir að Ill­ugi bað hann um það. RÚV hefur einnig fjallað umtals­vert um tengsl Ill­uga við fyr­ir­tækið Orku Energy. og meðal ann­ars spurt hann út í þær upp­lýs­ingar sem fram komu í frétta­flutn­ingi Stund­ar­innar um mál­ið. Þá sagði RÚV frá frétt Stund­ar­innar sem varð til­efni þess að Ill­ugi birti skatt­fram­tal sitt.

Í ummæl­unum segir Eiríkur Finnur frá því að hann hafi unnið með og þekkt Ill­uga frá ung­lings­árum og eig­in­konu hans frá fæð­ingu. Þau séu miklir vinir þeirra hjóna. "Ég verð að við­ur­kenna að ég skil ekki hversu lág­kúru­legum vinnu­brögðum er unnt að beita til þess eins að afla sér tekna og lífs­við­ur­væris af útgáfu frétta­mið­ils eins og Stund­ar­inn­ar, og skeyta engu um mann­orð heið­ar­legs og dug­legs fólks. Hver skyldi verða næstur fyrir aftöku­sveit­ina?"

Hefur ekki svarað spurn­ingum um greiðslu til OG Capi­tal

Illugi Gunn­ars­son hefur verið gagn­rýndur víða fyrir tengsl sín við Orku Energy, ekki síst vegna heim­sóknar til Kína í vor þar sem full­trúar frá Orku Energy voru líka, en Ill­ugi starf­aði fyrir fyr­ir­tækið árið 2011 auk þess sem hann hefur greint frá því að stjórn­ar­for­maður þess Haukur Harð­ar­son hafi keypt íbúð hans vegna fjár­hags­vand­ræða. Ill­ugi og fjöl­skylda leigja nú íbúð­ina aftur af Hauki.

Ill­ugi hefur sagt opin­ber­lega að hann hafi aðeins fengið 5,6 millj­óna launa­greiðsl­una frá Orku Energy og að sú greiðsla hafi verið vegna vinnu sem hann vann árið 2011. Hann birti launa­seðil sinn vegna greiðsl­unnar í fréttum Stöðvar 2 fyrir viku síð­an.

Í vik­unni greindi Stundin hins vegar frá að mið­ill­inn hefði heim­ildir fyrir því að eign­ar­halds­fé­lag sem þá var í eigu Ill­uga, OG Capital, hefði fengið 1,2 milljón króna greiðslu frá Orku Energy síðla árs 2012. Í kjöl­farið birti Ill­ugi skatt­fram­tal sitt og eig­in­konu sinnar vegna áranna 2012 og 2013 á Face­book og sagði það sýna að engar launa­greiðsl­ur, arð­greiðslur eða aðrar greiðslur hefðu komið til hans eða eig­in­konu hans á árinu 2012 eða 2013.  Illugi svar­aði því hins vegar ekki í stöðu­upp­færsl­unni hvort OG Capi­tal hefði fengið umrædda greiðslu síðla árs 2012.