Guð­mundur Jóhann­es­son, deild­ar­stjóri veiði­eft­ir­lits­sviðs Fiski­stofu, sem hefur komið fram fyrir hönd starfs­manna stofn­un­ar­innar vegna fyr­ir­hug­aðs flutn­ings henn­ar til Akur­eyr­ar, gagn­rýnir harð­lega nýjasta út­spil ­Sig­urðar Inga Jóhanns­son­ar, sjáv­ar­út­vegs- og land­bún­að­ar­ráð­herra, um að fresta flutn­ingi Fiski­stofu. Ráð­herra hefur sagt að hann muni ekki lengur leggja kapp á að Fiski­stofa verði flutt til Akur­eyrar á þessu ári, eins og áætl­anir gerðu ráð fyr­ir.

„Það er búinn að vera enda­laus hringl­anda­háttur varð­andi þessa ákvörðun ráð­herra frá upp­hafi. Það var lagt af stað í þennan leið­ang­ur, að því er virð­ist, án nokk­urra athug­ana eða und­ir­bún­ings. Bréf ráð­herra til starfs­manna Fiski­stofu frá því í byrjun sept­em­ber hefur ekki verið aft­ur­kall­að. Þar af leið­andi hangir bréfið enn­þá, bæði yfir Fiski­stofu og okkur starfs­mönn­um. Varð­andi frum­varpið um breyt­ingu á stjórn­ar­ráðslög­unum þá höfum við starfs­menn mót­mælt því harð­lega og fært fram marg­vís­leg rök máli okkar til stuðn­ings,“ seg­ir Guð­mundur í sam­tali við Kjarn­ann.

Eyþór Björns­son Fiski­stofu­stjóri segir í sam­tali við Morg­un­blaðið í morgun að stofn­unin sé að lið­ast í sundur vegna óvissu­á­stands um fram­tíð henn­ar.

„Það er hár­rétt hjá Fiski­stofu­stjóra að Fiski­stofu er haldið í „helj­ar­g­reipum óvissunn­ar.“ Frá því þessi ósköp hófust hefur að jafn­aði einn starfs­maður hætt á hálfs­mán­aðar fresti. Og ekki hefur enn verið ráðið í allar þessar stöð­ur. Fjöldi ann­arra starfs­manna er í virkri atvinnu­leit. Það er því ekki ofsagt að stofn­unin sé að byrja að lið­ast í sundur vegna þess­arar dæma­lausu ákvörð­unar ráð­herra,“ segir Guð­mundur í sam­tali við Kjarn­ann.