Fjár­mála­fyr­ir­tækið Gamma hefur fengið heim­ild Fjár­mála­eft­ir­lits­ins til að hefja starf­semi í London. Skrif­stofur félags­ins verða við New Broad stræti í City of London við­skipta­hverf­inu. Morg­un­blaðið greinir frá þessu í dag.

Gísli Hauks­son, for­stjóri félags­ins og annar stofn­enda þess, segir í sam­tali við blaðið að mikil tæki­færi felist fyrir Íslend­inga og íslenskan fjár­mála­markað í því að aflétt­ing gjald­eyr­is­hafta sé nú loks­ins í sjón­máli. „Við höf­um haft trú á því að aflétt­ing hafta væri fram und­an og höf­um unnið að því und­an­far­in mis­s­eri að geta hafið starf­­semi er­­lend­is,“ segir hann. „Þó að við stíg­um fyrstu skref­in var­­lega til jarðar eru þau stór að okk­ar mati fyr­ir ís­­lensk­an fjár­­­mála­­mark­að, enda má segja að næst­um heil kyn­slóð fjár­­­festa og starfs­­manna á fjár­­­mála­­mark­aði hafi fengið tak­­mörkuð tæki­­færi til að taka þátt í alþjóð­leg­um fjár­fest­ing­um vegna gjald­eyr­is­haft­anna.“

Fjár­mála­fyr­ir­tækið Gamma var stofnað í júní 2008. Félagið rekur verð­bréfa­sjóði og fjár­fest­inga­sjóði og er með um 44 millj­arða króna í stýr­ingu sam­kvæmt upp­lýs­ingum á vef­síðu fyr­ir­tæk­is­ins. Við­skipta­vinir eru meðal ann­ars líf­eyr­is­sjóð­ir, trygg­inga­fé­lög og banka­stofn­an­ir.