Gengu 55 kílómetra í Hvalfirði til styrktar félagi flogaveikra

IMG_2763.1.jpg
Auglýsing

Fjórir nemendur í 10. bekk Réttarholtsskóla, þau Hjalti Jóel Magnússon, Laura Sólveig Lefort Scheefer, Marinó Ívarsson og Mikael Dagur Hallsson, gengu Hvalfjörðinn á dögunum og söfnuðu um leið styrkjum fyrir Lauf, félag flogaveikra.

Gangan og söfnunin var liður í lokaverkefni krakkanna í skólanum fyrir útskrift, en þeir gengu frá austanverðum gangamunanum að Hvalfjarðargöngunum að Ferstiklu, eða um 55 kílómetra leið. Fjórmenningarnir lögðu af stað í gönguna á mánudaginn, og komust svo á leiðarenda í gær.

Fyrsta daginn gekk hópurinn í fjóra og hálfa klukkustund, eða um átján kílómetra leið. Þriðjudagurinn var svo tekinn með trukki, en þá gengu krakkarnir í átta og hálfa klukkustund, og lögðu að baki hátt í 27 kílómetra. Lokaspretturinn var svo tekin í gær, en þá gengu krakkarnir í tvo tíma á leiðarenda, eða tólf kílómetra.

Skemmtileg og krefjandi ganga


„Gangan var skemmtileg og við fengum að kynnast hvert öðru mjög vel. Hún var rosalega erfið og tók mikið á, en við náðum að klára hana á þremur dögum,“ segir Laura Sólveig í samtali við Kjarnann.

Auglýsing

„Ástæðan fyrir því að við völdum Lauf til að safna fyrir var sú að okkur finnst félagið standa fyrir málefni sem þurfi meiri umfjöllun í samfélaginu. Á Íslandi er áætlað að fjórir til tíu af hverjum 1000 séu með flogaveiki og flestir sem greinast með sjúkdóminn eru yngri en 20 ára. Einn okkar í hópnum þekkir fjölskyldu sem hefur glímt við sjúkdóminn og hefur því séð hversu erfitt það er að glíma við slíkan sjúkdóm, bæði fyrir manneskjuna með flogaveiki og einnig fjölskylduna.Við viljum minnka fordóma gagnvart flogaveiki og auka þekkingu fólks á sjúkdómnum svo að það geti brugðist rétt við ef að manneskja í návígi fær flog,“ segir Laura Sólveig Lefort Scheefer.

Fjórmenningarnir hafa nú þegar safnað um 55 þúsund krónum, en söfnun þeirra stendur enn yfir. Þeim sem vilja leggja henni lið er bent á bankareikning 0334-26-005774 á kennitölunni 610884-0679.

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Steinar Frímannsson
Einkarekstur í forgrunni – Umhverfisstefna Sjálfstæðisflokksins
Kjarninn 19. september 2021
Magnús Gottfreðsson, prófessor við læknadeild Háskóla Íslands.
Segir gæði vísindastarfs á Landspítala hafa hrakað á síðustu árum
Prófessor við læknadeild Háskóla Íslands segir að öfugþróun hafi átt sér stað í vísindastarfi á Landspítala eftir að hann var gerður að háskólasjúkrahúsi árið 2000, og að ekkert skilgreint fjármagn hafi fengist til að sinna því.
Kjarninn 19. september 2021
Jean-Rémi Chareyre
VG og loftslagsmálin: Að hugsa lengra en þjóðarnefið nær
Kjarninn 19. september 2021
Árni Stefán Árnason
Dýravernd í aðdraganda alþingiskosninganna 2021 – Hluti I
Kjarninn 19. september 2021
Bjarni Jónsson
Stjórnmálaflokkarnir og dánaraðstoð
Kjarninn 19. september 2021
Soffía Sigurðardóttir
Samvinna til árangurs
Kjarninn 19. september 2021
Lesendum Morgunblaðsins og Fréttablaðsins fækkað um 20 prósent frá miðju ári 2019
Lestur Fréttablaðsins hefur helmingast á rúmum áratug og minnkað um 20 prósent frá því nýir eigendur keyptu blaðið um mitt ár 2019. Þróun á lesendahópi Morgunblaðsins er nánast sú sama. Mikið tap er á rekstri beggja dagblaða.
Kjarninn 19. september 2021
Jón Ormur Halldórsson
Pólitíska miðjan hennar Merkel
Kjarninn 19. september 2021
Meira úr sama flokkiInnlent
None