Gunn­þór Ingva­son, for­stjóri Sílda­vinnsl­unnar, segir að stjórn­völd á Íslandi eigi ekki að taka þátt í því að beita Rússa við­skipta­þving­un­um, heldur gæta hlut­leysis í mál­inu. Utan­rík­is­ráð­herra, og hans fólk, eigi að ein­beita sér að því að gæta hags­muna íslenskra fyr­ir­tækja. Afstaða til deilu­efna sem tengj­ast Rússum eigi að ráð­ast af þeim.

Þetta er nokkuð merki­leg grein­ing hjá Gunn­þóri, á utan­rík­is­póli­tík Íslands. Banda­ríkja­menn, Evr­ópu­sam­band­ið, NATO, og raunar flest þróuð ríki heims­ins, hafa tek­ið ­saman höndum um að beita Rússa við­skipta­þving­unum vegna beit­ingu hern­aðar gagn­vart full­valda ríki, þvert á alþjóða­lög. Ang­ela Merkel, kansl­ari Þýska­lands, hefur sagt Vladímir Pútín, for­seta Rúss­lands, veru­leikafirrtan og hættu­legan mann. Undir það hafa fleiri þjóð­ar­leið­togar tek­ið.

Nú er ekki gott að segja, hvað hefur farið á milli þjóð­ar­leið­toga heims­ins á per­sónu­legum fundum þeirra, en ein­hverra hluta vegna eru flest þróuð ríki heims­ins, í gegnum alþjóða­sam­starf, að beita Rússa þving­unum og þeim er dauð­ans alvara. Eitt liggur fyr­ir. Það er að óbreyttir borg­arar hafa látið lífið í átökum þar sem rúss­nesk stjórn­völd hafa verið að beita mætti sínum með hern­aði.

Gunn­þór verður að horfast í aug­u við þessa stöðu með öðrum gler­augum en þeim, sem aðeins gefa sýn út frá hags­munum Síld­ar­vinnsl­unn­ar. Þrátt fyrir að efna­hagur Síld­ar­vinnsl­unnar sé glæsi­leg­ur, og að fyr­ir­tækið hafi verið vel rekið ára­tugum sam­an, þá yrði það mik­ill póli­tískur aum­ingja­skapur að hálfu Íslands, að nálg­ast stöð­una í Rúss­landi - þar sem miklu meiri hags­munir eru undir heldur en mak­ríl­við­skipti við íslensk fyr­ir­tæki - út frá öðru en utan­rík­is­póli­tísku mati, byggt á hags­munum heild­ar­inn­ar.

Í sjálfu sér er það ákveðið sjón­ar­mið, að hugsa alltaf bara um eigin hag. En í utan­rík­is­póli­tísku ­sam­starfi, sem Gunnar Bragi Sveins­son utan­rík­is­ráð­herra hefur talað ítrekað fyrir þegar kemur að stöðu mála í Úkra­ínu, þá er útgangs­punkt­ur­inn sá að taka afstöðu til mála út frá hags­munum heild­ar­inn­ar.

Gunn­þór mætti alveg gefa öðrum hags­munum en þeim sem tengj­ast Síld­ar­vinnsl­unni meiri gaum.