Bæj­ar­stjórn Hafn­ar­fjarðar hefur ákveðið að nota and­virði sölu hluta­bréfa í HS Veitum til að borga niður skuldir bæj­ar­ins. Ráð­stöf­unin var sam­þykkt sam­hljóða á fundi bæj­ar­stjórnar í dag, sem er „í takt við áherslu bæj­ar­stjórn­ar­innar að efla fjár­hags­stöðu bæj­ar­ins,“ eins og haft er eftir Har­aldi L. Har­alds­syni bæj­ar­stjóra Hafn­ar­fjarðar í frétta­til­kynn­ingu sem var send fjöl­miðlum síð­deg­is.

Um er að ræða 300 millj­ónir króna sem sveit­ar­fé­lagið fær í sinn hlut fyrir sölu á hluta­bréfum í HS Veitum til hlut­hafa veitu­fyr­ir­tæk­is­ins. Bæj­ar­stjórn Hafn­ar­fjarðar sam­þykkti á fundi sínum í dag til­lögu hlut­hafa­fundar HS Veitna um að kaupa eigin hlut­bréf af hlut­höfum í sam­ræmi sam­þykkt hlut­hafa­fundar 19. jan­úar 2015.

Sam­hliða var fjár­mála­stjóra og bæj­ar­stjóra falið að skoða hvernig fjár­hæð­in nýt­ist best með til­liti til vaxta­kostn­aðar og upp­greiðslu­gjalda sem eru mis­mun­andi á lána­skuld­bind­ingum sveit­ar­fé­lags­ins og gera til­lögu til bæj­ar­ráðs um ráð­stöfum fjár­hæð­ar­inn­ar.

Sam­kvæmt árs­reikn­ingi sveit­ar­fé­lags­ins fyrir árið 2013, námu skuldir og skuld­bind­ingar Hafn­ar­fjarð­ar­bæjar í lok árs 2013, ríf­lega tæp­lega 4o,5 millj­örðum króna.