Hannes Smára­son, fyrrum stjórn­ar­for­maður og for­stjóri FL Group, var í morgun sýkn­að­ur í hér­aðs­dómi Reykja­vík­ur. Þetta kemur fram á mbl.is. Hannes var ákærður fyrir að hafa dregið sér tæpa þrjá millj­arða króna af reikn­ingi FL Group á meðan að hann var stjórn­ar­for­maður félags­ins. Fénu á Hannes svo að hafa ráð­stafað til Fons eign­ar­halds­fé­lags, þá í eigu Pálma Har­alds­sonar og Jóhann­esar Krist­ins­son­ar, sem not­uðu það til að borga fyrir danska lággjald­ar­flug­fé­lagið Sterl­ing á árinu 2005.

Málið var þing­fest í Hér­aðs­dómi Reykja­víkur 14. nóv­em­ber í fyrra. Hér­aðs­dómur féllst á frá­vís­un­ar­kröfu Hann­esar í mars, en Hæsti­réttur Íslands ógilti svo frá­vís­un­ina í apr­íl­mán­uði síð­ast­liðn­um. Aðal­með­ferð hófst loks 28. jan­úar síð­ast­lið­inn, tæpum tíu árum eftir að hið ætl­aða brot átti sér stað.

Sér­stakur sak­sókn­ari fór fram á að Hannes  yrði dæmdur í tveggja til þriggja ára fang­elsi fyrir fjár­drátt í Sterl­ing-­mál­inu. Verj­andi Hann­es­ar, Gísli Guðni Hall, byggði vörn hans á því að ekki hafi verið sýnt fram á að bind­andi fyr­ir­mæli hafi verið gefin um milli­færsl­una eða ekki. Hannes sagð­ist sjálfur vera sak­laus af ákærunni og að ekk­ert benti til þess að milli­færslan hefði yfir höfuð átt sér stað.