Heppilegasta leið Borgarlínu frá Hamraborg í Smáralind liggi um íþróttasvæði Breiðabliks

Samkvæmt minnisblaði frá verkefnastofu Borgarlínu er heppilegra að Borgarlína fari um Hafnarfjarðarveg og Fífuhvammsveg en að leið hennar komi til með liggja um Digranesveg og Dalveg.

Á þessari mynd sjást valkostirnir tveir sem hafa verið rýndir að beiðni Kópavogsbæjar.
Á þessari mynd sjást valkostirnir tveir sem hafa verið rýndir að beiðni Kópavogsbæjar.
Auglýsing

Verk­efna­stofa Borg­ar­línu rýndi í haust í kosti og galla tveggja mis­mun­andi leiða sem varða legu Borg­ar­línu á milli Hamra­borgar og Smára­lind­ar. Ein­dregin nið­ur­staða þeirrar vinnu var sú að betra sé að borg­ar­línu­leiðin á þessu svæði í Kópa­vogi komi til með að liggja um Hafn­ar­fjarð­ar­veg og Fífu­hvamms­veg í stað þess að liggja um Digra­nes­veg og Dal­veg.

Þetta kemur fram í minn­is­blaði verk­efna­stofu Borg­ar­línu um fram­kvæmd­ina, sem lagt var fram á fundi umhverf­is- og sam­göngu­nefndar Kópa­vogs­bæjar í síð­ustu viku, en það var unnið að beiðni umhverf­is­sviðs Kópa­vogs­bæj­ar.

Í minn­is­blað­inu segir að allt frá því að byrjað var að greina mögu­lega legu Borg­ar­línu í Kópa­vogi hafi þessir tveir val­kostir helst þótt koma til greina. Hafn­ar­fjarð­ar­vegur og Fífu­hvamms­vegur þóttu einnig fýsi­legri kostu í fyrri sam­an­burði, sem Strætó hafði látið vinna.

Umræddur kafli er hluti af annarri lotu Borg­ar­línu, en frum­drög að þeirri lotu eru á fyrstu stigum hönn­un­ar­vinnu, sam­kvæmt því sem fram kemur í minn­is­blað­inu.

Meira pláss fyrir sér­rými og stór skipti­stöð við Fíf­una

Helstu kostir þess að láta Borg­ar­línu aka um Hafn­ar­fjarð­ar­veg og Fífu­hvamms­veg eru sagðir þeir að það samnýti borg­ar­línu­fram­kvæd­mir á Hafn­ar­fjarð­ar­vegi, samnýti fram­kvæmdir við stofn­stíg á hjól­reiða á Fífu­hvamms­vegi, rými í götu­snið­inu sé gott fyrir sér­rými Borg­ar­línu, hjóla­stíga og gang­stéttar og að hægt yrði að tryggja sér­rýmið alla leið, sem myndi skila sér í styttri ferða­tíma á milli Hamra­borg og Smára­linda.

Þá er bein teng­ing við Fíf­una sögð kost­ur, en þar meg­in­mið­stöð íþrótta­fé­lags­ins Breiða­bliks stað­sett og oft blásið til mann­margra við­burða. Einnig segir að þessi val­kostur tengi Garðabæ og Hafn­ar­fjörð betur við Smára­lind, með skipti­stöð í Fíf­unni.

Borgarlínustöð í Fífunni er sögð æskileg vegna nálægðar við íþróttamannvirki Breiðabliks, þar sem fjölmennir viðburðir fara oft fram. Mynd: Markaðsstofa Kópavogs

Það er einnig talið þessum val­kosti til tekna að hægt yrði að setja upp svo­kallað „commuter“- bíla­stæði við Fíf­una, eða bíla­stæði þar sem hægt væri að skilja bíl­inn eftir og hag­nýta sér svo almenn­ings­sam­göngur í fram­hald­inu.

Betri teng­ing við MK ef farið væri um Digra­nes­veg

Það eru þannig taldir upp fjöl­margir kostir við að fara Hafn­ar­fjarð­ar­veg­inn og Fífu­hvamms­veg­inn í stað Digra­nes­vegar og Dal­veg­ar, en einnig eru gallar dregnir fram. Bæði eru fram­kvæmdir sagðar flóknar við Hamra­borg og í botni Kópa­vogs­dals, auk þess sem göngu­leið frá borg­ar­línu­stöð að Mennta­skól­anum í Kópa­vogi (MK) yrði lengri ef þessi leið yrði fyrir val­inu.

Auglýsing

Verk­efna­stofan seg­ist þó telja að sá galli sé „hverf­andi“ þar sem göngu­leiðin frá Hamra­borg að MK sé um 600 metrar og að áform séu uppi um að bæta umhverfi bæði gang­andi og hjólandi til aust­urs frá Hamra­borg. Aukið aðgengi örflæði­tækja eins og raf­hlaupa­hjóla muni hjálpa við að stytta þá leið fyrir stóran hóp.

„Teng­ing milli Hamra­borgar og Fíf­unnar verður áskorun en undan henni verður ekki kom­ist þar sem hún er hluti af leið Borg­ar­línu suður til Hafn­ar­fjarð­ar. Það verk­efni er hægt að leysa og mun það verða megin við­fangs­efni í frum­draga­vinnu fyrir lotu 2,“ segir einnig í nið­ur­stöðukafla minn­is­blaðs­ins frá verk­efna­stof­unni.

Þröngt um Digra­nes­veg­inn

Sem áður segir er það dregið fram sem kostur þegar horft er á þann val­kost að leggja Borg­ar­línu eftir Digra­nes­vegi og Dal­vegi að vagnar gætu þá stoppað við MK, en einnig er það sagt kostur að sú lega myndi mynda skýran ás eftir öllum Digra­nes­hálsi, á Borg­ar­holts­braut og Digra­nes­vegi sem skil­greindar séu sem bæj­ar­götur í til­lögu að aðal­skipu­lagi Kópa­vogs.

Gall­arnir eru þó þeir að á þessum slóðum eru þrengsli í götu­sniði og að sé nægt rými fyrir fullt sér­rými, hjóla­stíga og gang­stétt­ar. Þá væru fram­kvæmdir á Dal­vegi fyr­ir­sjá­an­lega flókn­ar, auk þess sem erf­iðar beygjur séu á þess­ari leið sem kalli á skerð­ingu á lóð­um. Einnig myndi ferða­tími far­þega Borg­ar­línu á milli Smára­lindar og Hamra­borgar líða fyrir það að fara Dal­veg og Digra­nes­veg í stað þess að halda niður í Fífu og þaðan upp í Hamra­borg.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jarðskjálftahrinur ollu einnig mikilli hræðslu og engar upplýsingar voru veittar til fólksins, sem margt glímir við áfallastreituröskun. Ásbrú er því ekki ákjósanlegasti dvalarstaðurinn fyrir fólk sem flúið hefur stríðsátök, að mati UN Women á Íslandi.
Konur upplifi sig ekki öruggar á Ásbrú – og erfitt að koma óskum á framfæri
UN Women gera alvarlegar athugasemdir við svör Útlendingastofnunar varðandi útbúnað og aðstæður fyrir flóttafólk og umsækjendur um alþjóðlega vernd á Ásbrú.
Kjarninn 20. maí 2022
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Meira úr sama flokkiInnlent