Við­skipta­bann Rússa, sem nú teygir anga sína til Íslands, er orðið að miklu hita­máli á hinu póli­tíska sviði. Það kemur ekki mikið á óvart, þar sem miklir við­skipta­hags­munir eru í húfi, eða sem nema um 30 millj­örðum á ári, og eru nær öllu leyti tengdir stærstu sjáv­ar­út­vegs­fyr­ir­tækjum lands­ins.

Eins og fram kom í gær, á þessum vett­vangi, þá yrði það frá­leit ráð­stöfum á pen­ingum rík­is­sjóðs ef þeir yrði not­aðir til þess að bæta sjáv­ar­út­vegnum upp tap­ið. Sveiflur á mörk­uð­um, og aðrir áhættu­þætt­ir, hafa áður gert sjáv­ar­út­vegnum lífið leitt og í einka­rétt­ar­legum við­skiptum verða hlut­haf­arnir að eiga við það.

En það verður ekki lítið gert úr því að þetta er mikið áfall, og mörg störf í landi gætu horfið vegna þessa banns, einkum ef það verður lengi í gildi.

Á und­an­förnum árum hefur sala á sjáv­ar­af­urðum til Rúss­lands og Aust­ur-­Evr­ópa lagt grunn­inn að bestu upp­gjörum sem sést hafa í íslenskum sjáv­ar­út­vegi nokkru sinni. Hlut­hafar fyr­ir­tækj­anna hafa hagn­ast veru­lega þessu góð­æri, og hafa arð­greiðslur numið millj­örðum á hverju ári, Rekstur Síld­ar­vinnsl­unnar er gott dæmi um þetta góða gengi. Und­an­farin fimm ár hefur félagið hagn­ast um millj­arða á hverju ári, líkt og fleiri fyr­ir­tæki.

Í ljósi hinnar erf­iðu stöðu sem uppi er ættu hlut­hafar fyr­ir­tækj­anna vel að geta stutt við félögin í gegnum erfitt árferði og einnig farið var­lega í að segja upp starfs­fólki. Hinn 19. ágúst næst­kom­andi heldur Síld­ar­vinnslan aðal­fund sinn á Hót­el Eg­ils­búð, Nes­kaup­stað. Liður númer 3 á dag­skrá fund­ar­ins er ákvörðun um greiðslu arðs vegna rekst­urs­ins í fyrra. Spenn­andi verður að sjá hvort hlut­haf­arnir ákveða að taka pen­ing úr félag­inu, eða hvort þeir ákveða að halda þeim eftir í félag­inu í ljósi þeirra miklu erf­ið­leika sem inn­flutn­ings­bann Rússa getur skapað fyrir rekstur félags­ins.