Hösk­uldur Þór­halls­son, þing­maður Fram­sókn­ar­flokks­ins, segir að við­brögð flokks hans við mosku-um­mælum Svein­bjargar Birnu Svein­bjarg­ar­dótt­ur, odd­vita hans í Reykja­vík, fyrir síð­ustu sveit­ar­stjórn­ar­kosn­ingar hefðu mátt vera sterk­ari. Þetta kom fram í Viku­lok­unum á Rás 1 fyrr í dag.

Fram­sókn­ar­flokk­ur­inn var vændur um kyn­þátt­ar­hyggju og popúl­isma eftir að ummælin féllu. Fylgi hans jókst í kjöl­farið og skil­aði flokknum tveimur borg­ar­stjórn­ar­full­trú­um.

Í Viku­lok­unum voru ummæli Ásmundar Frið­riks­sonar, þing­manns Sjálf­stæð­is­flokks­ins, um múslima á Íslandi til umræðu. Hildur Sverr­is­dótt­ir, vara­borg­ar­full­trúi Sjálf­stæð­is­flokks, sagð­ist von­ast til þess að ummælin hafi fallið vegna van­þekk­ingar frekar en að þau séu „popúl­ískur áróð­ur“. „Það er hins vegar ekk­ert í boði, það er engin afsök­un. Hann er full­trúi á lög­gjaf­ar­þing­inu okk­ar. Hans orð vega þyngra en ann­arra,“ sagði Hild­ur. Hún sagði þetta hafa verið óboð­leg ummæli en að hún sé stolt af við­brögðum Sjálf­stæð­is­manna í kjöl­far­ið., sér­stak­lega þegar þau eru borin saman við umræð­una í kringum moskuum­mæli odd­vita Fram­sókn­ar­manna í Reykja­vík fyrir síð­ustu sveita­stjórn­ar­kosn­ing­ar.

Hösk­uldur Þór­halls­son tók undir gagn­rýni á ummæli Ásmundar og sagð­ist sam­mála því að flokkur hans hefði ekki brugð­ist við mosku-um­mæl­unum með afger­andi hætti. „Við­brögðin hefðu mátt vera sterk­ari á sínum tíma,“  sagði Hösk­uld­ur. Eftir á að hyggja hefði flokk­ur­inn átt að bregð­ast fljótar og ákveðnar við. Hann væri hins vegar þeirrar skoð­unar að „Fram­sókn­ar­flokk­ur­inn muni berj­ast gegn öllum hug­myndum um mis­mun­un“.