Hreiðar og Sigurður vilja endurupptöku Al Thani-málsins - segja dómara vanhæfan

hreidar-mar.jpg
Auglýsing

Hreiðar Már Sigurðsson, fyrrverandi forstjóri Kaupþings, og Sigurður Einarsson, fyrrverandi stjórnarformaður bankans, hafa farið fram á að Al Thani-málið verði endurupptekið. Ólafur Ólafsson hefur einnig farið fram á það. Þetta kemur fram í Viðskiptablaðinu í dag. Hreiðar afplánar nú fimm og hálfs árs dóm í málinu en Sigurður fjögurra ára dóm.

Endurupptökubeiðni Hreiðars og Sigurðar byggist annars vegar á því að Árni Kolbeinsson, einn dómenda málsins í Hæstarétti, hafi verið vanhæfur og hins vegar á því að sönnunargögn hafi verið metin rangt. Viðskiptablaðið hefur endurupptökubeiðnina undir höndum.

Árni Kolbeinsson var skipaður varadómari í málinu að því er fram kemur þar. Málflytjendum hafi verið tilkynnt í desember í fyrra að eiginkona hans, Sigríður Thorlacius, hafi setið í stjórn Fjármálaeftirlitsins fram í janúar 2009. Fjármálaeftirlitið var með Al Thani-málið til rannsóknar á þeim tíma. Þá var óskað eftir því að málflytjendur gerðu athugasemdir við setu Árna ef þeir hefðu þær, en svo var ekki gert.

Auglýsing

Nú segja Hreiðar og Sigurður hins vegar að eftir að dómur var genginn í malinu hafi komið fram upplýsingar um að sonur Árna hefði starfað sem forstöðumaður lögfræðisviðs slitastjórnar Kaupþings frá 2008 og 2013. Þetta hafi verið nýjar upplýsingar sem ekki hafi verið upplýst um. Hagsmunir slitastjórnar Kaupþings af sakfellingu þeirra í málinu hafi verið augljósir.

„Svo virðist sem sonur dómarans hafi sinnt störfum fyrir slitastjórn Kaupþings þegar dómarinn tók sæti í málinu og dæmdi það. Líklegt er að sonurinn hafi tekið þátt í ákvörðunum um að stefna Hreiðari Má og Ólafi til greiðslu skaðabóta en sú ákvörðun hefur verið byggð á sömu atvikum og fjallað var um í hæstaréttarmálinu. Hafði hann, ásamt slitastjórn Kaupþings, því hagsmuna að gæta af niðurstöðu málsins. Kunna þeir hagsmunir að vera fjárhagslegir og umtalsverðir í ljósi ofangreinds um mögulegar kaupaukagreiðslur til hans,“ segir í endurupptökubeiðninni. Þetta sé til þess fallið að vekja upp réttmætar efasemdir um óhlutdrægni Árna.

Taka undir Óla-ruglinginn


Þá taka Hreiðar og Sigurður undir það sem Ólafur Ólafsson hefur sagt og heldur fram í sinni endurupptökubeiðni, sem er að Hæstiréttur hafi ruglast á Ólafi og Ólafi Arinbirni Sigurðssyni við skoðun á málsgögnum. Þeir segja að þessi „mistök Hæstaréttar“ hafi haft veruleg áhrif við ákvörðun refsingar.

Björn Þorvaldsson, sem sótti Al Thani-málið fyrir hönd embættis sérstaks saksóknara, hefur hins vegar sagt það misskilning að Ólafur hafi verið dæmdur í fangelsi á grundvelli misskilnings.

Það sé alveg skýrt að í því símtali þar sem rætt hafi verið um „Óla“ sem Hæstiréttur fjallar um sé verið að ræða Ólaf Ólafsson, ekki lögfræðing með sama fornafni sem sé sérfræðingur í kauphallarviðskiptum. „Bæði í ljósi þess sem fram kemur í símtalinu og samhengisins þá er í fyrsta lagi alveg klárt mál að það er verið að tala um Ólaf Ólafsson í þessu símtali. Í öðru lagi, sem kemur í ljós fyrir öllum sem lesa dóminn, þá eru fullt af öðrum gögnum, tölvupóstar og framburðir og annað, sem benda til aðkomu Ólafs. Þannig að ef þessu símtali yrði kippt út yrði hann sakfelldur eftir sem áður,“ sagði Björn í samtali við Kjarnann í vor.

Þrír þegar vikið úr endurupptökunefnd


Tveir aðalmenn og einn varamaður í endurupptökunefnd hafa þegar vikið sæti vegna vanhæfis í málinu eftir að Ólafur lagði inn sína endurupptökubeiðni í maí. Á meðal þeirra sem vikið hafa sæti er Björn L. Bergsson, formaður nefndarinnar. Auk hans hafa vikið Þórdís Ingadóttir og Sigurður Tómas Magnússon, varamaður Þórdísar í nefndinni. Lögmaður Ólafs hefur einnig farið fram á að Kristbjörg Stephensen, borgarlögmaður og varamaður Björns í nefndinni, víki sæti.

Í Viðskiptablaðinu í dag kemur fram að Kristbjörg muni ekki víkja sæti, samkvæmt niðurstöðu nefndarinnar sem tók málið fyrir. Því sé komið á hreint að Kristbjörg muni eiga sæti í nefndinni ásamt Elínu Blöndal, lögfræðingi hjá Háskóla Íslands, og Berglindi Svavarsdóttur hæstaréttarlögmanni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jenný Ruth Hrafnsdóttir
Ísland - Finnland: 16 - 30
Kjarninn 23. júní 2021
Þórólfur Guðnason sóttvarnalæknir.
Engin smit út frá bólusettum með virkt smit – „Hver er þá áhættan? Mikil eða lítil?“
Ellefu bólusettir einstaklingar hafa greinst með veiruna á landamærunum. Engin smit hafa hins vegar greinst út frá þeim. Sóttvarnalæknir segir enn óvíst hvort smithætta fylgi bólusettum með smit en að hún sé „alveg örugglega“ minni en frá óbólusettum.
Kjarninn 23. júní 2021
Benedikt Jóhannesson hefur veifað bless við framkvæmdastjórn flokksins sem hann var aðalhvatamaðurinn að því að stofna.
Benedikt hefur sagt sig úr framkvæmdastjórn og segir framgöngu formanns mestu vonbrigðin
Fyrrverandi formaður Viðreisnar telur að atburðarás hafi verið hönnuð til að koma ákveðnum einstaklingum í efstu sætin á lista flokksins á höfuðborgarsvæðinu og halda öðrum, meðal annars honum, frá þeim sætum.
Kjarninn 23. júní 2021
Drífa Snædal, forseti ASÍ.
ASÍ hvetur forsætisráðherra til að beita sér fyrir alþjóðlegum fyrirtækjaskatti
Verkalýðshreyfingin kallar eftir því að lagður verði á 25 prósent skattur á hagnað alþjóðlegra stórfyrirtækja þar sem hann verður til.
Kjarninn 23. júní 2021
Viðskipti hófust með bréf Íslandsbanka í gær.
20 fjárfestar keyptu rúmlega helminginn af því sem selt var í Íslandsbanka
Búið er að birta lista yfir stærstu eigendur Íslandsbanka. Auk ríkisins eiga lífeyrissjóðir og erlendir fjárfestingarsjóðir stærstu eignarhlutina. Margir einstaklingar leystu út hagnað af viðskiptunum í gær.
Kjarninn 23. júní 2021
Engin ákvörðun hefur enn verið tekin um hvort og þá hvenær farið verður að bólusetja börn við COVID-19 á Íslandi.
Ráðleggja óbólusettum – einnig börnum – frá ónauðsynlegum ferðalögum
Sóttvarnarlæknir segir þær ráðleggingar embættisins að óbólusettir ferðist ekki til útlanda gildi einnig fyrir börn. Engin ákvörðun hefur enn verið tekin um almenna bólusetningu barna.
Kjarninn 23. júní 2021
Miklar sveiiflur hafa verið á virði rafmyntarinnar Bitcoin síðasta sólarhringinn.
Kínverjar snúa baki við Bitcoin og verðið fellur
Verð rafmyntarinnar Bitcoin hefur lækkað umtalsvert á undanförnum dögum en náði sér aðeins á strik síðdegis í dag. Kínverjar hafa reynt að stemma stigu við viðskiptum með myntina þar í landi og nýlega var fjölda gagnavera sem grafa eftir myntinni lokað.
Kjarninn 22. júní 2021
Birna Einarsdóttir bankastjóri Íslandsbanka hringir hér inn fyrstu viðskipti í Íslandsbanka
73 prósent af viðskiptunum voru í Íslandsbanka
Alls námu viðskipti með hlutabréf Íslandsbanka 5,4 milljörðum króna eftir fyrsta viðskiptadag þeirra í Kauphöllinni í dag. Verð bréfanna er nú fimmtungi hærra en útboðsgengi þeirra.
Kjarninn 22. júní 2021
Meira úr sama flokkiInnlent
None