Farmur flutn­inga­skipts­ins Winter Bay, sem nú siglir með farm af hval­kjöti og hval­spiki úr Hval­stöð­inni í Hval­firði, er um tveggja millj­arða króna virði. Frá þessu greinir Skessu­horn í dag en Krist­ján Lofts­son, for­stjóri Hvals hf., stað­festi virði farms­ins í við­tali við norskt sjáv­ar­út­vegs­blað. Alls eru um 1.800 tonn af hval­kjöti- og spiki um borð. Afurð­irnar eru frá ver­tíð síð­asta sum­ar­s. Winter Bay siglir nú norð­aust­ur­leið um Íshafið norðan Rúss­lands á leið til Jap­an. Krist­ján gerir ráð fyrir að skipið kom­ist á leið­ar­enda snemma í sept­em­ber.

Í við­tal­inu við norska sjáv­ar­út­vegs­blaðið gagn­rýnir Krist­ján harð­lega þau sam­tök sem hafa beitt sér gegn hval­veið­um. „Ég forð­ast ákveðið að nefna þessi sam­tök nöfnum sínum og gildir þá einu í hvaða sam­hengi það er. Þau eru á móti öllu, líka því sem er lög­legt og nota gjarnan ólög­legar aðferðir til að koma sinni sýn á fram­færi. Þau lifa á athygl­inni sem þau fá í fjöl­miðlum og ég vil ekki hjálpa til við það með því að nefna nöfn þeirra á opin­berum vett­vang­i,“ segir Krist­ján, í þýð­ingu Skessu­horns.