Þrír þing­menn Vinstri grænna, þau Katrín Jak­obs­dóttir for­maður VG, Svan­dís Svav­ars­dóttir og Ögmundur Jón­as­son, hyggj­ast leggja fram þings­á­lykt­un­ar­til­lögu um heim­ild til skatt­rann­sókn­ar­stjóra til kaupa á erlendum gögnum um skattaund­an­skot íslenskra borg­ara. Þetta kemur fram í frétta­til­kynn­ingu frá VG til fjöl­miðla.

Í frétta­til­kynn­ing­unni seg­ir: „Lagt er til að skatt­rann­sókn­ar­stjóri leggi svo fljótt sem auðið er mat á þau gögn sem emb­ætt­inu hafa verið boðin til kaups og ann­ist kaup á þeim telji skatt­rann­sókn­ar­stjóri það rétt. Einnig er lagt til að Alþingi sam­þykki að tryggja fjár­heim­ildir til kaupanna.“

Í til­kynn­ing­unni segir að um sé að ræða rétt­læt­is­mál sem varði hags­muni rík­is­sjóðs og þar með allra lands­manna. „Skatt­svik sem framin eru með því að fela fé í svoköll­uðum skatta­skjólum eru alþjóð­legt vanda­mál sem barist er gegn á mörgum svið­um. Þing­málið er liður í þeirri bar­áttu enda ljóst að þessi brota­starf­semi hefur grafið um sig hér­lendis eins og svo víða ann­ars staðar og mik­il­vægt að brugð­ist verði við af fullri ein­urð. Í fram­haldi af því er nauð­syn­legt að setja fram­tíð­ar­ra­mann um fyr­ir­komu­lag þess­ara mála,“ segir í frétta­til­kynn­ing­unni.