Icelandair flutti alls rúm­lega 159 þús­und far­þega í milli­landa­flugi í des­em­ber og fjölg­aði þeim um þrettán pró­sent milli ára. Félagið hefur birt flutn­inga­tölur fyrir síð­asta mánuð nýlið­ins árs, en grein­ing Arion banka tók saman upp­lýs­ing­ar, með sínum grein­ingum á töl­un­um, sem Kjarn­inn hefur undir hönd­um.

Á árinu 2014 flutti félagið 2,6 millj­ónir far­þega og fjölg­aði þeim um 15% á milli ára, sam­kvæmt grein­ingu Arion banka. Aukn­ing í fram­boðnum svoköll­uðum sæt­iskíló­metrum á árinu 2014 var 16,3% sem er um pró­sentu­stigi undir því sem félagið gerði ráð fyrir þegar það kynnti áætl­anir um vöxt í milli­landa­flugi 2014. Sæta­nýt­ing var 80,4% á árinu og hækk­aði um 1,1 pró­sentu­stig frá 2013.

Aukn­ing í fram­boðnum sæt­iskíló­metrum (ASK) var 10,7%, að því er fram kemur í grein­ingu Arion banka. Sæta­nýt­ing hækk­aði um 2,4 pró­sentu­stig, var 78,6% í des­em­ber og hefur ekki verið hærri, í það minnsta horft til síð­ustu fimm ára. Að með­al­tali hefur sæta­nýt­ing síð­ast­liðin fimm ár verið 74% í des­em­ber, segir í grein­ingu Arion banka.

Þessa er fengin úr grein­ingu Arion banka á tölum Icelanda­ir.