Icelandair Group til­kynnti í morgun um áherslu­breyt­ingar á flug­flota félags­ins, sem rekur dótt­ur­fé­lögin Icelandair og Flug­fé­lag Íslands. Allar fimm fokker 50 vélar Flug­fé­lags Íslands verða seldar og þrjár Bombar­dier Q400 vélar koma í stað­inn. Þær taka 74 far­þega á meðan að Fokker 50 vél­arnar tóku 50. Nýju vél­arnar eru jafn­framt hrað­skreið­ari og lang­dræg­ari og því sér Flug­fé­lag Íslands tæki­færi til að nýta þær á öðrum mörk­uðum en félagið flýgur nú á, en Flug­fé­lag Íslands sinnir aðal­lega inn­an­lands­flugi og flugi til Græn­lands.

Þá kemur fram í til­kynn­ing­unni að tveimur Boeing 757 vélum sem Icelandair er með á leigu verði skilað í haust og þær leystar af hólmi með tveimur Boeing 767-300 vél­um. Þær taka mun fleiri far­þeg­ar, alls 260 tals­ins, og eru mun lang­dræg­ari. Í til­kynn­ing­unni segir að „með þeim munu skap­ast ný tæki­færi fyrir leið­ar­kerfi Icelanda­ir.“ Nýju vél­arnar geti sinnt mörk­uðum sem núver­andi flug­véla­kostur getur ekki sinnt og með þeim sjái Icelandair fram á aukin vaxta­tæki­færi á kom­andi árum. Vél­arnar verða teknar í notkun frá og með vor­inu 2016.

Ekki að fara að fljúga til Kína

Aðspurður um hvar þessi nýju tæki­færi fyrir leið­ar­kerfi Icelandair liggja segir Björgólfur Jóhanns­son, for­stjóri Icelandair Group, að félagið geti nú skoðað að fljúga til borga sem 757 vél­arnar dragi ekki á. „Það getur til dæmis falið í sér að við getum verið að fljúga lengra niður á vest­ur­strönd Banda­ríkj­anna“.

Hann segir þessa breyt­ingu ekki fela í sér að Icelandair sé að fara að skoða að fljúga til Kína. „Við höfum ekki skoðað það af neinni alvöru. Það er ekki á teikni­borð­in­u.“