Ill­ugi Gunn­ars­son, mennta- og menn­ing­ar­mála­ráð­herra, hefur birt skatt­fram­tal sitt og eig­in­konu sinnar vegna árs­ins 2012 og 2013 á Face­book. Til­efnið er frétt Stund­ar­innar frá því fyrr í dag þar sem sagt var frá því að Ill­ugi hefði fengið greiðslu frá Orku Energy síðla árs 2012.

Í stöðu­upp­færslu Ill­uga seg­ir: "Vegna fréttar Stund­ar­innar frá því í dag, sem byggð er á ónafn­greindum heim­ild­ar­manni, hef ég ákveðið að stíga það skref að birta upp­lýs­ingar úr skatt­fram­tali okkar Bryn­hildar vegna árs­ins 2012 og árs­ins 2013. Skatt­fram­töl okkar eru unnin af lög­giltum end­ur­skoð­anda. Þar koma launa­greiðslur til okkar hjóna fram og þar sést að árið 2012 fæ ég laun frá Orku Energy upp á kr. 5.621.179 eins og ég hafði áður greint frá og sýnt launa­seðil fyr­ir. Engar launa­greiðsl­ur, arð­greiðslur eða aðrar greiðslur eru til mín eða konu minnar frá fyr­ir­tæk­inu OG Capi­tal á árinu 2012 eða á árinu 2013. Á árinu 2013 fór félagið úr minni eig­u."

Í frétt Stund­ar­innar sagði að ráð­gjafa­fyr­ir­tæki Ill­uga Gunn­ars­son­ar, mennta- og menn­ing­ar­mála­ráð­herra, OG Capi­tal ehf., hafi fengið 1,2 millj­óna króna greiðslu frá Orku Energy árið 2012. Greiðslan hafi farið fram ­síðla árs 2012 en Ill­ugi hafði þá sest aftur á Alþingi eftir að hafa verið í leyfi frá störfum frá apríl 2010 til októ­ber 2011. Greiðslan var verk­taka­greiðsla en ekki launa­greiðsla, sam­kvæmt frétt Stund­ar­inn­ar. Ill­ugi svarar því ekki í stöðu­upp­færslu sinni hvort það sé rétt að OG Capi­tal hafi fengið greiðslu frá Orku Energy, líkt og fram kom í frétt Stund­ar­inn­ar.

Ill­ugi hefur sagt opin­ber­lega að hann hafi aðeins fengið 5,6 millj­óna launa­greiðsl­una frá Orku Energy og að sú greiðsla hafi verið vegna vinnu sem hann vann árið 2011.