Ill­ugi Gunn­ars­son, mennta- og menn­ing­ar­mála­ráð­herra, seldi íbúð sína í Vest­urbæ Reykja­víkur til Hauks Harð­ars­son­ar, eins eig­anda Orku Energy, fyrir 53,5 millj­ónir króna árið 2013 og leigir hana til baka á 230 þús­und krónur á mán­uði, án hita og raf­magns. Leigu­samn­ingur sem hann gerði við Hauk var til tveggja ára með vali á fram­leng­ingu. Frá þessu greinir Ill­ugi í stöðu­upp­færslu á Face­book sem birt­ist í hádeg­inu í dag.

Þar segir Ill­ugi að þau hjónin hafi orðið fyrir nokkrum fjár­hags­legum áföllum fyrir nokkrum árum. "Hrunið lék okkur grátt eins og marga aðra af okkar kyn­slóð, gjald­þrot fyr­ir­tækis sem ég og tengda­faðir minn heit­inn áttum þýddi að á okkur féllu millj­óna ábyrgðir og tekju­missir sem ég varð fyrir þegar ég tók mér launa­laust leyfi frá þing­störfum gerði sitt. Við stóðum því frammi fyrir því að selja íbúð okkar eða eiga það á hættu að missa hana. Í stað þess að aug­lýsa íbúð­ina leit­aði ég sjálfur að kaup­anda og varð það úr að Haukur Harð­ar­son, sem er einn eig­enda Orka Energy og starfar erlendis keypti íbúð­ina. Við gerðum sam­hliða samn­ing um leigu til tveggja ára og vali á fram­leng­ingu. Kaup­verðið var 53,5 millj­ónir og leigan 230 þús­und krónur (án hita og raf­magns) á mán­uði sem tók mið af mark­aðs­að­stæðum í Vest­ur­bænum þegar gengið var frá samn­ingum árið 2013."

Ill­ugi seg­ist telja rétt að skýra frá þessu í ljósi þeirra spurn­inga sem hafi vaknað und­an­farið um tengsl hans við Orka Energy, en hann var við­staddur und­ir­ritum fyr­ir­tæk­is­ins á samn­ingi í vinnu­heim­sókn sinni til Kína nýver­ið. Ill­ugi full­yrðir að teng­ing hans við Orku Energy, vegna kaupa eins eig­enda fyr­ir­tæk­is­ins á íbúð hans sem síðan hafi verið leigð honum aft­ur, hafi engin áhrif á hver aðkoma fyr­ir­tæk­is­ins var að vinnu­heim­sókn­inni til Kína. "Ég vann verk­efni fyrir Orka Energy á árinu 2011 og fékk að mestu greitt fyrir það árið 2012 eins og sjá má af tekju­blöð­um. Það varð kannski til að sem ráð­herra gerði ég örugg­lega minna fyrir þá heldur en þáver­andi for­sæt­is­ráð­herra og utan­rík­is­ráð­herra, Jóhanna Sig­urð­ar­dóttir og Össur Skarp­héð­ins­son, þegar þau voru í Kína árið 2013 og ekki meira en Katrín Jak­obs­dóttir þáver­andi mennta­mála­ráð­herra gerði þegar hún var við­stödd und­ir­ritun samn­inga Orka Energy og kín­verskra stjórn­valda í Þjóð­menn­ing­ar­hús­inu árið 2012."