Ill­ugi Gunn­ars­son, mennta- og menn­ing­ar­mála­ráð­herra, hefur fallið frá áformum um frek­ari lækkun útvarps­gjalds­ins á árinu 2016. Útvarps­gjaldið er helsta tekju­lind Rík­is­út­varps­ins (RÚ­V). Hann hefur þegar til­kynnt þetta í þing­flokki Sjálf­stæð­is­flokks­ins og und­ir­tökur þing­manna við þessum áformum voru mis­jafn­ar. Enn fremur hefur Ill­ugi skipað þriggja manna nefnd, sem Eyþór Arn­alds leið­ir, sem ætlað er að fara yfir rekstur RÚV und­an­farin ár. Nefndin á að skila nið­ur­stöðum sínum í sum­ar. Þetta kemur fram í Morg­un­blað­inu í dag.

Ill­ugi Gunn­ars­son, mennta og menn­ing­ar­mála­ráð­herra Íslands­.

Mikið fjaðrafok var í kringum RÚV í lok síð­asta árs eftir að til­kynnt var að fyr­ir­tæk­ið, sem er með tæpa sex millj­arða króna í rekstr­ar­tekjur á þessu rekstr­ar­ári að með­töldum aug­lýs­inga­tekj­um, myndi fá útvar­spgjaldið óskert (áður hafði hluti þess verið not­aður til ann­arra verk­efna rík­is­sjóðs) en að það yrði lækk­að. Árið 2014 var það 19.400 krónur á hvern greið­enda, en er 17.800 krónur í ár. Árið 2016 átti það að lækka enn frekar og verða 16.400 krón­ur. Stjórn­endur RÚV sögð­ust ein­ungis geta rekið RÚV og sinnt lög­bundnu hlut­verki þess ef fyr­ir­tækið fengi útvar­spgjaldið óskert og með því að selja eignir upp í skuld­ir. Hávær mót­mæli urðu gegn því sem kallað var aðför að RÚV. Stjórn­ar­meiri­hlut­inn stóð hins vegar fast á sínu og fjár­lög voru sam­þykkt með lækk­un­ina inn­an­borðs. Nú hefur mennta- og menn­ing­ar­mála­ráð­herra hætt við að lækka útvarps­gjaldið frek­ar.

Skera þarf veru­lega niður

Í Morg­un­blað­inu segir að ­þriggja manna emb­ætt­is­manna­nefnd frá for­sæt­is-, fjár­mála- og mennta­mála­ráðu­neyti hafi skoðað stöðu Rík­is­út­varps­ins og rekstur að und­an­förnu, til þess að stjórn­völd hefðu sjálf­stæða mynd af því hver raun­veru­leg staða stofn­un­ar­innar væri. Nið­ur­staðan sé sú að staðan sé jafnslæm og stjórn­endur RÚV hafa sagt hana vera. Þrátt fyrir að útvarps­gjaldið yrði óbreytt, 17.800 krón­ur, þyrfti samt að skera veru­lega nið­ur.

Ónefndur þing­maður Sjálf­stæð­is­flokks­ins segir við Morg­un­blaðið að ljóst verði að ekki verði allir þing­menn sáttir með þá ákvörðun Ill­uga að hætta við að skera niður útvarps­gjald­ið.