Ill­ugi Gunn­ars­son mennta­mála­ráð­herra segir fullt til­efni til að end­ur­skoða útlána­kerfi Lána­sjóðs íslenskra náms­manna. Þetta kemur fram í Frétta­blað­inu í dag.

Eins og Kjarn­inn greindi frá í gær hafa með­al­náms­lán hjá LÍN hækkað en með­al­af­borg­anir lækka og van­skil aukast. Þá er mik­ill munur á því hversu hátt hlut­fall lána sinna fólk greiðir til baka. Þeir sem skulda mest borga lægst hlut­fall til baka og ríkið styrkir þá mest.

„Það er styrkja­kerfi fólgið í íslenska náms­lána­kerf­inu en það er engin alvöru stefnu­mótun á bak við hvernig þeim styrkjum er úthlutað eða til hverra þeir renna,“ segir Ill­ugi við Frétta­blað­ið. Það sé áhyggju­efni að sjá að van­skil aukast og það þurfi að hafa þann þátt í huga þegar lögin verði end­ur­skoð­uð.

Hrafn­hildur Ásta Þor­valds­dótt­ir, fram­kvæmda­stjóri lána­sjóðs­ins, kallar eftir umræðu um það hvort breyta þurfi lána­kerf­inu. „Viljum við setja ald­urs­tak­mörk á hvenær þú getur fengið lán? Átt þú að geta fengið lán eftir sex­tugt? Á að setja þak á upp­hæð náms­lána? Á að breyta afborg­un­ar­skil­yrð­unum með ein­hverjum hætt­i?“ segir hún meðal ann­ars.