Jón Gnarr, sem steig niður úr stóli borg­ar­stjóra í Reykja­víkur í vor, er að flytja til Texas. Þetta kemur fram í Face­book-­færslu sem hann setti inn rétt í þessu.

Face­book-­færslan er svohljóð­andi:  „Það er orðið ljóst að við litla fjöl­skyldan munum flytja til Hou­ston Texas eftir ára­mót­in. Erum komin með íbúð á ágætum stað og Nonni mun fara í Edgar Allen Poe Elem­ent­ary School. Held að þetta gæti verið upp­hafið að ein­hverju mjög athygl­is­verðu ævin­týri."

Jón hefur lítið viljað gefað upp um hvað hann hygg­ist taka sér fyrir hendur eftir að borg­ar­stjóra­ferl­inum lauk, en hann var einn dáð­asti grínisti þjóð­ar­innar áður en hann hellti sér í stjórn­mál. Jón hóf þá kosn­inga­bar­áttu með því að til­kynna að hann lang­aði í þægi­lega inni­vinnu og væri að hug­leiða að stíga inn á svið stjórn­mála. Reykja­vík­ur­borg varð fyrir val­inu sem vett­vangur og vopn­aður lof­orði um að svíkja öll kosn­inga­lof­orð, íslenskuðum Tínu Turner slag­ara og áður séðum óút­reikn­an­leika rúll­uðu Jón og Besti flokkur hans upp borg­ar­stjórn­ar­kosn­ing­unum 2010 og hann sett­ist kjöl­farið í stól borg­ar­stjóra.