Jón Gnarr, fyrr­ver­andi borg­ar­stjóri í Reykja­vík, verður alhliða stjórn­andi hjá 365, og mun starfa þvert á öll svið fyr­ir­tæk­is­ins svipað og fjár­mála- eða mannauðs­stjórar gera. Þetta seg­ir ­Sævar Freyr Þrá­ins­son, for­stjóri 365, í sam­tali við Kjarn­ann.

Eins og greint var frá í morgun hefur Jón verið ráð­inn rit­stjóri inn­lendrar dag­skrár hjá fjöl­miðla­fyr­ir­tæk­inu.

Starf Jóns er nýtt í fyr­ir­tæk­in­u. ­Sævar segir að þannig muni starf Jóns ekki aðeins fel­ast í inn­lendri dag­skrár­gerð fyrir ljós­vaka­miðla fyr­ir­tæk­is­ins. Hann mun líka koma að ýmissi hug­mynda­vinnu fyrir alla miðla, þar á meðal í frétta­tengdu efni, og líka fyrir mark­aðs­deild fyr­ir­tæk­is­ins, að sögn Sæv­ars. Ráðn­ing hans hefur ekki í för með sér breyt­ingar á starfs­sviði ann­arra stjórn­enda fyr­ir­tæk­is­ins.

„Hann er að fara að styrkja okkur með þessum frá­bæra skap­andi og frjóa huga sem hann hef­ur,“ segir Sæv­ar, og bætir því við að hug­mynda­auðgi Jóns muni koma sér vel víða í fyr­ir­tæk­inu. Jón mætti til vinnu nú klukkan 10 og var Sævar á leið að taka á móti honum þegar Kjarn­inn ræddi við hann.