Jón Steins­son, dós­ent í hag­fræði við Col­umbi­a-há­skóla, seg­ist ganga það langt að kalla það spill­ingu, að stjórn­völd skuli gera 700 millj­óna íviln­ana­samn­ing við fisk­eldi Matorku, sem er í kjör­dæmi Ragn­heiðar Elínar Árna­dótt­ur, iðn­að­ar- og við­skipta­ráð­herra, og í eigu náins frænda Bjarna Bene­dikts­son­ar, efna­hags- og fjár­mála­ráð­herra. „Á hvaða öld lifum við? Iðn­að­ar­ráð­herra gerir 700 m.kr "íviln­un­ar­samn­ing" við fyr­ir­tæki í sínu kjör­dæmi sem er í eigu náins frænda fjár­mála­ráð­herra. ... Og þetta er ekki í fyrsta skipti sem frændur fjár­mála­r­á­herra virð­ast fá sér­stak­lega góða með­höndlun hjá rík­inu. Lands­bank­inn seldi um dag­inn öðrum frænda fjár­mála­ráð­herra stóran hlut í Borgun í gegnum lokað ferli. ... Ég ætla að ganga svo langt að kalla þetta spill­ing­u,“ segir í Jón á Face­book-­síðu sinni.

Jón Steins­son.

Land­sam­band fisk­eld­is­stöðva gagn­rýnir íviln­un­ar­samn­ing upp á 700 millj­ónir króna sem iðn­að­ar­ráð­herra hefur gert við Matorku, að því er fram kemur á vefnum Vísi. Þetta skekki sam­keppn­is­stöðu í bleikju­eldi á Íslandi þar sem önnur fyr­ir­tæki hafi ekki notið stuðn­ings.

Ragn­heiður Elín Árna­dóttir iðn­að­ar­ráð­herra gerði íviln­un­ar­samn­ing við Matorku hinn 20. febr­úar síð­ast lið­inn sem met­inn er á 700 millj­ónir króna. Fyr­ir­tækið hyggur á stór­fellt bleikju­eldi á Reykja­nesi, en það er skráð í Sviss, að því er fram kemur í frétt Vís­is.

Matorka mun fá tölu­verð­ar­ í­viln­anir svo sem eins og 50 pró­sent lækkun á trygg­inga­gjaldi, en það nemur ríf­lega átta pró­sentum ofan á laun þegar allt er eðli­legt.