Karl Garð­ars­son, þing­maður Fram­sókn­ar­flokks­ins, segir að hin nýja þjóð­fé­lags­um­ræða á inter­net­inu ein­kenn­ist af ill­mælgi og hat­ri, og póli­tískt ein­elti þyki sjálf­sagt. Í þess­ari nýju umræðu þurfi „aldrei að færa sönnur eða standa skil á hástemmdum yfir­lýs­ingum um nafn­greinda ein­stak­linga.“

Hann segir að Sig­mundur Davíð Gunn­laugs­son þyki til­valið skot­mark í þess­ari umræð­u. „Þegar hann er ann­ars vegar er allt  leyfi­legt og oftar er ekki er ráð­ist að honum per­sónu­lega. Ráð­herrar þurfa vissu­lega að geta tekið gagn­rýni, en hún þarf að vera heið­ar­leg og mál­efna­leg.  Og hún á síst að öllu að bein­ast að per­sónu við­kom­and­i,“ skrifar Karl á blogg sitt á Eyj­unni.

„Ef menn reyna að bera hönd fyrir höfuð sér eru þeir sak­aðir um að vera hör­undsárir og kunna ekki að taka gagn­rýni. Þannig er tryggt að hat­ursum­ræðan fái að halda áfram og lifi sjálf­stæðu líf­i.“

Karl segir að umræðan lúti stjórn „ör­fárra ein­stak­linga sem lítið annað virð­ast hafa fyrir stafni en að dreifa óhróðri um nafn­greinda ein­stak­linga. Við­hlæj­endur eru hins vegar marg­ir.“

Karl segir að við séum komin langt út fyrir „sem eðli­legt getur talist“ í þessum mál­um. Umræðan og gagn­rýni sé góð en hatur og ein­elti sé engum til góðs.