A & E Sounds er sam­vinnu­verk­efni Þórðar Gríms­sonar og Kol­beins Soff­íu­sonar þar sem unnið er með myndinn­setn­ingar og tón­list. Við tókum þá félaga tali og fengum að fræð­ast meira um verk­efn­ið.

Getið þið sagt okkur frá verk­efn­inu? Út á hvað gengur það og hvaðan kemur það?

"Hug­myndin að A & E Sounds varð til þegar Þórður Gríms­son stund­aði nám við Weis­sen­see lista­há­skól­ann í Berlín vorið 2014. Á þeim tíma samdi hann fjölda demo-a og gaf þau út á Soundcloud. Ég [Kol­beinn Soff­íu­son] stund­aði nám við Stúdíó Sýr­land í hljóð­tækni árið 2014 og þegar ég heyrði demo’in frá Þórði taldi ég til­valið að nýta efnið í loka­verk­efni mitt í skól­an­um.  Ég hafði sam­band við Þórð sem var einnig til í þetta sam­starf og við völdum 10 lög af demo’unum til þess að taka upp og full­vinna.

Þegar Þórður sneri heim frá Berlín síðla árs 2014 fórum við þá á fullt í upp­tökur og eft­ir­vinnslu í kjöl­far­ið. Við lögðum mikla vinnu í plöt­una og vorum gríð­ar­lega ánægðir með útkom­una. Við tókum upp með fjölda af hæfi­leik­a­ríkum tón­list­ar­mönn­un; org­anist­anum Stein­ari Loga, píanó­leik­ar­anum Þórönnu Björns­dótt­ur, trommu- og slag­verks­leik­arnum Orra Ein­ars­syni, söng­kon­unni Jessica Meyer og karla­kór Kaffi­bars­ins Bar­tón­ar. Við tókum upp efni í Hall­gríms­kirkju, í Stúdíó Sýr­landi og á Skúla­götu í Reykja­vík þar sem við Þórður höfum deilt stúd­íói í um nokkura ára skeið."

Stefnan sett á 500 ein­tök af vínyl plötum

Núna í vor útskrif­ast Þórður úr graf­ískri hönnun við Lista­há­skóla Íslands og mun fyrir loka­sýn­ingu LHÍ hanna allt mynd­rænt útlit plöt­unn­ar. Stefnan er sett á að pressa 500 ein­tök af vínyl plötum með hágæða prentefni. Til þess að fjár­magna vínyl pressun og prentun á myndefni þá höfum við hafið söfnun á Karol­ina Fund og þar get þeir sem styrkja söfn­un­ina pantað sér ein­tak af plöt­unni í for­sölu.

Hvað hafið þið spilað saman lengi og hvert stefnið þið með mús­ík­ina?

"Við Þórður höfum verið góðir vinir frá unga aldri og höfum grúskað í ýmsu saman allt frá körfu­bolta þegar við vorum yngri til tón­list­ar­innar í dag. Við deilum svip­uðum smekk á tón­list og fag­ur­fræði og höfum áður spilað saman músík í hljóm­sveit­inni Two Step Hor­r­or. Við erum nýbyrj­aðir að æfa lögin af A & E Sounds plöt­unni með live bandi og stefnan er sett á að koma fram á tón­leikum og kynna tón­list­ina enn frek­ar. Þeir sem skipa hljóm­sveit­ina eru Þórður Grím­son á gítar og söng, Kol­beinn Soff­íu­son á gít­ar, Bald­vin Dungal (Gun­man & the Holy Ghost) á bassa og Orri Ein­ars­son (Dead Skel­etons og The Way Down) á tromm­ur.

Ásamt þeim, verða nokkrir val­in­kunnir session­istar með í sam­floti. Við höfum nú þegar gefið út tvö lög á bandcamp síðu A & E Sounds og þar geta áhuga­samir náð frítt í lögin Sunday Dri­ver (fyrsti sing­ull LP plöt­unn­ar) og Strawberry Letter 23 (Shugie Otis ábreiða). Einnig höfum við í sam­starfi við ástr­alska mynd­list­ar­mann­inn Jon­athan McCabe gefið út mynd­band við lagið Sunday Dri­ver, en Jon­athan blandar saman stærð­fræði­for­múlum Alan Turing við tölvu­vinnslu og útkoman er þetta líf­ræna sam­spil lita á hreyf­ingu:

htt­p://yout­u.be/tidyeJdX­kgk

 

En það er ekki setið auðum hönd­um, tón­listin heldur áfram og við erum alltaf að taka upp nýtt efni og setjum það alla jafna út í formi demoa á soundcloud og/eða youtu­be. Núna um síð­ustu helgi tókum við t.d. upp lag – fyrir Karol­ina fund – og var hug­myndin að sýna dæmi í hljóði og mynd hvernig sköp­un­ar­ferlið og fram­leiðslan fer fram. Lagið heitir Phasers og má sjá hérna:

htt­p://yout­u.be/Y2t2fI­HbFMM

 

Hægt er að skoða verk­efnið nánar og leggja því lið hér.