Ísland mætir Kasakstan í dag í und­ankeppni EM, en leik­ur­inn er afar mik­il­vægur fyrir Ísland, sem er í öðru sæti rið­ils­ins á eftir Tékk­um, eftir fjórar umferð­ir. Með sigri getur Ísland styrkt stöðu sína í topp­bar­átt­unni og aukið lík­urnar á því að kom­ast í fyrsta skipti í úrslita­keppni stór­móts.

Kasakar eru erf­iðir heim að sækja, þó illa hafi gengið hjá þeim til þessa í riðl­in­um. Þeir eru með eitt stig eftir fjórar leiki, héldu jöfnu gegn Lettum 0-0 en hafa tapað öðrum leikjum í riðl­in­um.

Kjarn­inn tók saman tíu atriði sem tengj­ast leiknum með einum eða öðrum hætti, fróð­leik um Kasakstan og margt sem er ein­kenn­andi fyrir land­ið.

1. Veð­ur­spáin fyrir leik­inn er ekki sér­stak­lega góð. Gert er ráð fyrir ell­efu stiga frosti á Astana Arena, þjóð­ar­leik­vangi Kasaka í höf­uð­borg­inni. Eiður Smári Guðjohn­sen snýr aftur í lið Íslands eftir að hafa verið utan hóps­ins, frá því hann brast í grát fyrir framan alþjóð, eftir að Ísland tap­aði fyrir Króa­tíu í umspils­leik fyrir HM í Bras­il­íu.

https://www.youtu­be.com/watch?v=DrSUWAtpLs0

2. Kasakstan er ekki í Evr­ópu í reynd, en tíu pró­sent lands­ins telst þó innan marka Evr­ópu. Ann­ars telst þetta stóra land að mestu til Asíu og er oft­ast stað­sett í Mið-Asíu, þegar um legu lands­ins er fjall­að.

3. Kasakstan öðl­að­ist sjálf­stæði árið 1991 en var áður hluti af Sov­ét­ríkj­un­um. Landið fékk sjálf­stæði síð­ast af þjóð­ar­brot­unum sem urðu til við fall Sov­ét­ríkj­anna.

4. Landið hefur fram­þró­ast hratt efna­hags­lega á und­an­förnum árum, en olíu- og jarð­ga­sauð­lindir eru í land­inu sem knýja efna­hag­inn að miklu leyti. Lands­fram­leiðsla á mann nemur rúm­lega 24 þús­und Banda­ríkja­döl­um, og er landið í sæti númer 50 á þann mæli­kvarða í heim­in­um, sam­kvæmt lista Alþjóða­gjald­eyr­is­sjóðs­ins.

5. Íbúar lands­ins eru 17,9 millj­ón­ir, eða 54 sinnum fleiri en Íslend­ing­ar, sem eru tæp­lega 330 þús­und. Þrátt fyrir það á Ísland mun fleiri atvinnu­menn í bestu deildum Evr­ópu en Kasak­ar.

6. Kasakstan er níunda stærsta land í heimi. Sam­an­lögð stærð meg­in­lands Evr­ópu er minni en Kasakst­an. Ef Spánn, Frakk­land, Þýska­land og Ítalía væru lögð sam­an, þá myndi það ekki duga til að ná Kasakst­an.

7. Kasakstan er í 138. sæti á styrk­leika­lista FIFA. Ísland er í 35. sæti, en fór í 28. sæti í októ­ber í fyrra, og var þá efst á list­anum af Norð­ur­landa­þjóð­um.

8. Kasakstan á sér djúpar sögu­legar rætur í bók­mennt­um, og þá einkum í gegnum miklar orustu­frá­sagnir frá því Gengis Kan fór fyr­ir­ ­stærsta her heims­ins í kringum 1130, her Mongól­íu­veld­is­ins, í gríð­ar­legum bar­dög­um. Þeir fóru margir hverjir fram í Kasakst­an.

9. Kvik­myndin Borat: Cultural Learn­ings of Amer­ica for Make Benefit Glori­ous Nation of Kazakhstan, sló í gegn árið 2006. Óhætt er að segja að hún dragi upp vafa­sama mynd af land­inu. Þó um grín­mynd sé að ræða, þá urðu vin­sældir mynd­ar­innar það miklar að stjórn­völd fund­u ­sig knúin til þess að koma skila­boðum á fram­færi við umheim­inn um að Kasakastan væri ekki svona eins og lýst væri í mynd­inni.

https://www.youtu­be.com/watch?v=y7R1E4cjZA8

10. Höf­uð­borgin Astana þykir glæsi­leg borg, með öllum nútíma­legum þæg­ind­um. Henni hefur verið líkt við Dubai sökum þess hve mikið er af glæsi­legum nýlegum bygg­ingum í henni. Hjartað í efna­hags­lífi Kasakstan slær í borg­inni, þar sem olíu­iðn­aður er áber­andi.

https://www.youtu­be.com/watch?v=gGc9PZCI4jU